Oʻzbekiston Respublikasi Budjet Kodeksining 27-, 148-moddalari, Iqtisodiyot va moliya vazirligining viloyat mahalliy budjetiga oʻzgartirishlar kiritish toʻgʻrisidagi bildirishnomalari hamda Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-, 24-moddalariga asosan, xalq deputatlari Paxtaobod tuman Kengashi qaror qiladi:

1. Paxtaobod tuman iqtisodiyot va moliya boʻlimining 2026-yil 2-iyun kungi 32-87-sonli xati asos uchun qabul qilinsin.

2. Tuman mahalliy byudjetining xarajatlar qismiga viloyat iqtisodiyot va moliya boshqarmasining 2026-yil 13-, 14-, 19-, 21-, 30- yanvar kungi 14-, 30-, 46-, 53-, 61-, 75-, 82-sonli, 10-, 12-, 16-, 17-, 20-fevral kungi 107-, 121-, 132-, 148-, 164-, 168-sonli hamda 13-, 17-, 19-, 25-mart kungi 198-, 213-, 232-, 245-, 261-, 268-sonli bildirishnomalariga asosan mahalliy budjetdan mablagʻ oluvchi budjet tashkilotlarining xarajatlariga kiritilgan oʻzgarishlar 1-ilovaga;

Mahalliy budjetdan mablagʻ oluvchi byudjet tashkilotlarining aloqa xatlariga asosan 2026-yil 1-chorakda budjet tashkilotlarining xarajatlariga kiritilgan oʻzgarishlari 2-ilovaga muvofiq tasdiqlansin.

3. Tuman iqtisodiyot va moliya boʻlimi boshligʻining birinchi oʻrinbosari (J. Faxriddinov) mahalliy budjetga kiritilgan oʻzgartirishlarni belgilangan tartibda rasmiylashtirilishi hamda tegishli budjet muassasalariga yetkazilishini taʼminlasin.

4. Ushbu qarorning bajarilishini nazorat qilish xalq deputatlari tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi raisi O. Mamatqulov zimmasiga yuklatilsin.