Oʻzbekiston Respublikasi Prezidentining 2025-yil 26-dekabrdagi “Mahalliy byudjetlar va byudjet tashkilotlarining moliyaviy barqarorligini oshirish, byudjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-sonli qarorining 8a-bandi ijrosini taʼminlash maqsadida, Jalaquduq tumani Obodonlashtirish boshqarmasi hamda Iqtisodiyot va moliya boʻlimining qoʻshma taklifi va kalkulyatsiya hisob-kitoblarini atroflicha oʻrganib chiqib, Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6 va 24-moddalariga asosan Xalq deputatlari Jalaquduq tuman Kengashi qaror qiladi:

1. Oʻzbekiston Respublikasi Prezidentining 2025-yil 26-dekabrdagi “Mahalliy byudjetlar va byudjet tashkilotlarining moliyaviy barqarorligini oshirish, byudjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-sonli qarori rahbarlik va ijro uchun qabul qilinsin.

2. Jalaquduq tuman hokimligi obodonlashtirish boshqarmasi boshligʻining 1-oʻrinbosari B. Davronov va tuman moliya va iqtisodiyot boʻlimi boshligʻining birinchi oʻrinbosari O. Ashurovning 2026-yil 15-iyul sanasidagi 52-sonli qoʻshma xati maʼlumot va asos uchun qabul qilinsin.

3. Jalaquduq tumani markaziy koʻchalari boʻyidagi tadbirkorlik subʼektlari bilan tuzilgan shartnomalar asosida chiqindilarni olib chiqish va hududlarni obodonlashtirish (supirish-tozalash, gazon oʻrish) xizmatlarini koʻrsatganlik uchun toʻlov tariflari 1-, 2- va 3-ilovalarga muvofiq tasdiqlansin.

4. Tuman Obodonlashtirish boshqarmasiga;

Oʻzbekiston Respublikasi Prezidentining 2025-yil 26-dekabrdagi “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-sonli qarorida berilgan topshiriqlarni oʻz muddatlarida bajarish;

tumanning markaziy koʻchalari boʻyidagi tadbirkorlik subyektlari bilan tuzilgan shartnoma asosida chiqindilarni olib chiqish va hududlarni obodonlashtirish xizmatlarini koʻrsatish vazifalari yuklatilsin.

5. Tuman ekologiya va iqlim oʻzgarishi boʻlimi hamda Sanitariya-epidemiologik osoyishtalik va jamoat salomatligi boʻlimi, tuman obodonlashtirish boshqarmasi bilan birgalikda ekologik vaziyatni yaxshilash, chiqindilarning insonlar sogʻligiga zararli taʼsirini oldini olish, tabiiy resurslardan oqilona foydalanish, sanitariya va ekologik holat sifatini oshirish choralarini koʻrib borsin.

6. Tuman hokimligi matbuot xizmati (Sh. Mannopjonov) Jalaquduq tumani hududida chiqindilarni olib chiqish va hududlarni obodonlashtirish xizmatini koʻrsatganlik boʻyicha tariflarni matbuotda eʼlon qilsin.

7. Ushbu qaror rasman eʼlon qilingan kundan eʼtiboran uch oydan soʻng kuchga kiradi.

8. Ushbu qarorning ijrosini taʼminlash tuman hokimining birinchi oʻrinbosari A. Abdujabborov hamda tuman hokimining oʻrinbosari M. Roʻzimatovlarga, bajarilishini nazorat qilish xalq deputatlari tuman Kengashining Mahalliy byudjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (E. Qurbonov) zimmasiga yuklatilsin.