Oʻzbekiston Respublikasi Oliy Majlisi Qonunchilik palatasidagi siyosiy partiyalar fraksiyalarining takliflarini koʻrib chiqib, Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. 2026-yil 9-sentabr kuni Oʻzbekiston Respublikasi Oliy Majlisi Qonunchilik palatasida oʻtkaziladigan “hukumat soati”da “Mamlakatimizda tadbirkorlik subyektlari uchun davlat xizmatlari koʻlamini kengaytirish va maʼmuriy jarayonlarni soddalashtirish borasida amalga oshirilayotgan ishlar toʻgʻrisida”gi hamda “Koʻp kvartirali uy-joy fondini samarali boshqarish, aholini sifatli kommunal xizmatlar bilan taʼminlash boʻyicha amalga oshirilayotgan ishlar toʻgʻrisida”gi masalalar yuzasidan Oʻzbekiston Respublikasi Oliy Majlisi Qonunchilik palatasi deputatlarining savollariga javoblarni eshitish haqidagi taklif maʼqullansin.

2. Oʻzbekiston Respublikasi Oliy Majlisi Qonunchilik palatasining Tadbirkorlik, raqobatni rivojlantirish va sanoat masalalari qoʻmitasi “hukumat soati”ga tayyorgarlik koʻrilishini hamda uning oʻtkazilishini tashkil etsin.

3. Ushbu Qaror qabul qilingan kundan eʼtiboran kuchga kiradi.