Oʻzbekiston Respublikasi “Mahalliy davlat hokimiyati toʻgʻrisida”gi Qonunning 6, 24-moddalari, Oʻzbekiston Respublikasining 2025-yil 25-dekabrdagi “2026-yil uchun Davlat byudjeti toʻgʻrisida”gi 1105-sonli Qonuniga muvofiq hamda Oʻzbekiston Respublikasi Prezidentining 2020-yil 3-dekabrdagi PF-6121-sonli Farmoni ijrosini taʼminlash maqsadida 2026-yilda yuridik va jismoniy shaxslardan olinadigan qishloq xoʻjaligiga moʻljallanmagan yer maydonlari boʻyicha yer soligʻi stavkasiga, suv resurslaridan foydalanganlik uchun soliq stavkasiga va noruda qurilish materiallari uchun (sementdan tashqari) belgilangan qatʼiy stavkalariga qoʻllaniladigan kamaytiruvchi va oshiruvchi koeffitsiyentlar miqdorini kiritish va qoʻllash yuzasidan, xalq deputatlari Uchtepa tumani Kengashi qaror qiladi:

1. Oʻzbekiston Respublikasining 2025-yil 25-dekabrdagi “2026-yil uchun Davlat byudjeti toʻgʻrisida”gi 1105-sonli Qonuniga hamda Oʻzbekiston Respublikasi Prezidentining 2020-yil 3-dekabrdagi PF-6121-sonli Farmonining 1-bandi 2-xat boshiga muvofiq, 2021-yil 1-yanvardan boshlab Oʻzbekiston Respublikasi Soliq kodeksi bilan belgilangan yer soligʻi stavkalariga qishloq xoʻjaligiga moʻljallanmagan yerlar uchun daha, massiv va mahalla kesimida 0,7 dan 3,0 gacha kamaytiruvchi va oshiruvchi koeffitsiyentlarni kiritish va qoʻllash tartibi joriy etilganligi, 2025-yil Oʻzbekiston Respublikasining “Soliq va byudjet siyosatining 2025-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi Qonuni loyihasi maʼlumot va ijro uchun qabul qilinsin.

2. Оʻzbekiston Respublikasi Qonunlari va Prezidentning Farmoni ijrosini taʼminlash maqsadida, Soliq kodeksiga kiritilayotgan оʻzgartirish va qоʻshimchalarni hisobga olib, tuman Soliq inspeksiyasining 2026-yilda yuridik va jismoniy shaxslardan olinadigan qishloq xоʻjaligiga mоʻljallanmagan yer maydonlari bоʻyicha yer soligʻi stavkasiga, suv resurslaridan foydalanganlik uchun soliq stavkalariga qоʻllaniladigan kamaytiruvchi va oshiruvchi koeffitsiyentlar yuzasidan kiritilgan taklifi maʼqulansin.

3. Oʻzbekiston Respublikasining Byudjet kodeksining 27-moddasi va Soliq kodeksiga asosan “2026-yilda yuridik va jismoniy shaxslardan olinadigan qishloq xoʻjaligiga moʻljallanmagan yer maydonlari boʻyicha yer soligʻi stavkasiga, suv resurslaridan foydalanganlik uchun soliq stavkasiga va noruda qurilish materiallari uchun (sementdan tashqari) belgilangan qatʼiy stavkalariga qoʻllaniladigan kamaytiruvchi va oshiruvchi koeffitsiyentlarni tasdiqlash toʻgʻrisida”gi qaror loyihasi jamoatchilik muhokamasidan oʻtkazish uchun 111886-son bilan 15 kun muddatga “regulation.gov.uz” elektron tizimiga joylashtirilganligi inobatga olinsin.

4. Tuman xalq deputatlari Kengashlariga mahalliy soliqlar va boshqa majburiy toʻlovlarning stavkalarini qonunchilikda belgilangan miqdorlarda quyidagicha tasdiqlash tavsiya qilinsin:

qishloq xoʻjaligiga moʻljallanmagan yer maydonlari boʻyicha mahallalar kesimida ularning iqtisodiy rivojlanishiga qarab yer soligʻi stavkasiga 0,7 dan 3,0 gacha kamaytiruvchi va oshiruvchi koeffitsiyentlarni qoʻllagan holda yer soligʻi stavkalari 1-ilovaga muvofiq;

suv resurslaridan foydalanganlik uchun soliq stavkasiga 0,7 dan 1,3 gacha qoʻllaniladigan koeffitsiyentlar miqdori 2-ilovaga muvofiq;

noruda qurilish materiallari uchun (sementdan tashqari) belgilangan qatʼiy stavkalariga qoʻllaniladigan 1,3 barobargacha oshiruvchi koeffitsiyentlar miqdori 3-ilovaga muvofiq.

5. Uchtepa tumani soliq inspeksiyasiga:

ushbu qarorni sifatli darajada ijrosini taʼminlash vazifasi yuklatilsin.

Uchtepa tumani soliq inspeksiyasi tomonidan byudjet daromadlari koʻrsatkichlarining bajarilishini taʼminlash, Soliq bazasini kengaytirish hamda iqtisodiy salohiyatini oshirish yuzasidan zarur chora-tadbirlar koʻrish ustidan qatʼiy nazoratni oʻrnatilishi uchun xalq deputatlari Uchtepa tumani Kengashiga doimiy ravishda maʼlumot kiritib borsin.

6. Uchtepa tumani hokimligi va tuman soliq inspeksiyasi, mazkur qarordan kelib chiqqan holda, yuridik va jismoniy shaxslarning yer soliqlari boʻyicha belgilangan stavkalari, soliq solish tartiblari hamda boshqa maʼlumotlarni ommaviy axborot vositalarida yoritilishini taʼminlasin.

7. Mazkur qaror eʼlon qilingan kundan eʼtiboran kuchga kiradi.

8. Ushbu qaror ijrosi yuzasidan tuman soliq inspeksiyasi hamda jismoniy yoki yuridik shaxslar oʻrtasida kelib chiqadigan nizolar oʻrnatilgan tartibda sud orqali hal qilinadi.

9. Xalq deputatlari Uchtepa tumani Kengashining 2025-yil 27-dekabrdagi “Uchtepa tumanida 2025-yilda yuridik va jismoniy shaxslardan olinadigan yer soligʻi bоʻyicha soliq stavkasiga qоʻllanilgan koeffitsiyentni tasdiqlash tоʻgʻrisida”gi III-5-026-14-202-K/24-sonli qarori оʻz kuchini yоʻqotgan deb hisoblansin.

10. Belgilab qoʻyilsinki, berilgan taklif va tavsiyalarni inobatga olgan holda: Uchtepa tumani hokimining birinchi оʻrinbosari, Uchtepa tumani soliq inspeksiyasi boshligʻi, tuman Kadastr bоʻlimi bilan birgalikda 2026-yil davomida 2027-yil 1-yanvargacha tumanda faoliyat olib borayotgan faoliyat turidan qatʼiy nazar mahalla fuqarolar yigʻinlarida faoliyat olib borayotgan kоʻcha yuzalarida joylashgan tadbirkorlik subyektlari (3 va 4-zonlar) da yer soliqlarini belgilash uchun оʻrganishlar olib borilsin hamda оʻrganishlar natijasi yuzasidan va Uchtepa tumani hokimining birinchi оʻrinbosari boshchiligida tegishli bоʻlgan masʼul tashkilotlar ishtirokida muntazam ravishda tadbirkorlik subyektlari bilan uchrashuvlar tashkil qilish va tadbirkorlar tamonidan berilayotgan taklif va tavsiyalar xalq deputatlari Uchtepa tumani Kengashining Mahalliy byudjet, tadbirkorlikni rivojlantirish va iqtisodiy islohatlarni amalga oshirish masalalari bоʻyicha doimiy komissiyasiga berilgan takliflarni muhokamalar uchun kiritib borsin.

11. Ushbu qaror bajarilishini nazorat qilish xalq deputatlari Uchtepa tuman Kengashining mahalliy byudjet, tadbirkorlikni rivojlantirish va iqtisodiy islodotlarni amalga oshirish masalalari boʻyicha doimiy komissiyasi (J.Karimov) va Uchtepa tumani hokimining birinchi oʻrinbosari (A.Azimov) zimmasiga yuklatilsin.