Ўзбекистон Республикаси Олий Мажлиси Қонунчилик палатаси депутатларининг ташаббусли бюджет жараёнлари доирасида, шунингдек «Менинг боғим» лойиҳалари танлови доирасида сайлов округларида ижтимоий-иқтисодий масалаларни ҳал қилишдаги имкониятларини янада кенгайтириш мақсадида Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Президентининг 2026 йил 29 июндаги «Ташаббусли бюджет жараёнлари доирасида маҳаллалардаги ижтимоий-иқтисодий масалаларни ҳал этишда халқ вакиллари ва жамоатчилик учун қўшимча имкониятларни яратиш тўғрисида»ги ПҚ-243-сонли Қарори билан Ўзбекистон Республикаси Олий Мажлиси Қонунчилик палатасининг 2026 йил 1 августдан бошлаб ташаббусли бюджет жараёнида Ўзбекистон Республикаси Олий Мажлиси Қонунчилик палатаси депутатлари томонидан лойиҳаларни қўшимча равишда ғолиб деб эълон қилиш учун имкониятларни янада кенгайтириш тўғрисидаги таклифи маъқулланганлиги маълумот учун қабул қилинсин.

2. Ўзбекистон Республикаси Олий Мажлиси Қонунчилик палатасининг 2025 йил 23 сентябрдаги 1330-V-сонли Қарори билан тасдиқланган Ўзбекистон Республикаси Олий Мажлиси Қонунчилик палатасининг Ташаббусли бюджет жараёнларида парламент назоратини амалга ошириш бўйича комиссияси тўғрисидаги низомнинг (Ўзбекистон Республикаси Олий Мажлиси палаталарининг Ахборотномаси, 2025 йил, № 9, 1102-модда, № 10, 1188-модда; 2026 йил, № 5, 542-модда) 6-бандига қуйидаги қўшимча ва ўзгартириш киритилсин:

қуйидаги мазмундаги учинчи хатбоши билан тўлдирилсин:

«Депутатлардан бирининг ваколати муддатидан илгари тугатилган ҳолларда унга бириктирилган сайлов округидаги ташаббусли бюджет жараёнлари доирасида, шунингдек «Менинг боғим» лойиҳалари танловида ғолиб бўлмаган лойиҳалар орасидан Депутатлар ташаббусига кўра ғолиб деб эълон қилиш учун Депутатлардан бошқа бирини белгилаш»;

учинчи — тўққизинчи хатбошилар тегишинча тўртинчи — ўнинчи хатбошилар деб ҳисоблансин.

3. Ушбу Қарор қабул қилинган кундан эътиборан кучга киради.