Oʻzbekiston Respublikasining Shaharsozlik kodeksi hamda Oʻzbekiston Respublikasi Vazirlar Mahkamasining 2024-yil 17-apreldagi 214-son “Oʻzbekiston Respublikasi Qurilish va uy-joy kommunal xoʻjaligi vazirligi hamda uning tizimidagi tashkilotlar toʻgʻrisidagi nizomlarni tasdiqlash haqida”gi qaroriga muvofiq buyuraman:

1. Oʻzbekiston Respublikasi qurilish va uy-joy kommunal xoʻjaligi vazirining 2024-yil 26-avgustdagi 1-son buyrugʻi (roʻyxat raqami 3556, 2024-yil 27-sentabr) (Qonunchilik maʼlumotlari milliy bazasi, 30.09.2024-y., 10/24/3556/0759-son) bilan tasdiqlangan Oʻzbekiston Respublikasining hududlarini rivojlantirishni rejalashtirish va qurish toʻgʻrisidagi shaharsozlik hujjatlarini ishlab chiqish narxlarini aniqlash boʻyicha uslubiy qoʻllanmaga ilovaga muvofiq oʻzgartirishlar va qoʻshimcha kiritilsin.

2. Mazkur buyruq Oʻzbekiston Respublikasi Iqtisodiyot va moliya vazirligi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

1. 6-band quyidagi quyidagi tahrirda bayon etilsin:

“6. Shaharsozlik hujjatlarini ishlab chiqish narxini hisoblashda bir nechta oshiruvchi koeffitsiyentlar qoʻllanilganda, mazkur koeffitsiyentlarning faqat kasr qismi (butun qismini hisobga olmagan holda) bir-biriga qoʻshiladi.

Shaharsozlik hujjatlarini ishlab chiqish narxini hisoblashda bir nechta pasaytiruvchi koeffitsiyentlar qoʻllanilganda, mazkur koeffitsiyentlarning faqat kasr qismi (butun qismini hisobga olmagan holda) bir-biriga qoʻshiladi.

Shaharsozlik hujjatlarini ishlab chiqish narxini hisoblashda oshiruvchi va pasaytiruvchi koeffitsiyentlar bir vaqtda qoʻllanilganda, umumiy koeffitsiyent ushbu bandning birinchi va ikkinchi xatboshilariga muvofiq aniqlangan oshiruvchi va pasaytiruvchi koeffitsiyentlarni oʻzaro koʻpaytirish yoʻli bilan aniqlanadi.”.

2. 13-bandning jadvalidagi 5-pozitsiyaning “BXM barobari (A_b)” ustunidagi “672” raqami “1 672” raqami bilan almashtirilsin.

3. 14-band quyidagi mazmundagi izoh qismi bilan toʻldirilsin: