Парвоз хавфсизлигини назорат қилиш бўйича Ўзбекистон Республикаси Давлат инспекцияси ташкил этилганлиги муносабати билан Вазирлар Маҳкамаси қарор қилади:

Ўзбекистон Республикаси Вазирлар Маҳкамасининг айрим қарорларига иловага мувофиқ ўзгартириш ва қўшимчалар киритилсин.

1. Вазирлар Маҳкамасининг 1992 йил 4 февралдаги 44-сон қарори билан тасдиқланган «Ўзбекистон ҳаво йўллари» миллий авиакомпанияси Устави 8-бандининг:

тўртинчи хатбошидан «ва бошқа фойдаланувчилар» ва «давлат» сўзлари чиқариб ташлансин;

бешинчи ва еттинчи хатбошилар ўз кучини йўқотган деб ҳисоблансин;

олтинчи хатбошидаги «Ўзбекистон Республикаси ҳудудида фуқаро авиацияси» сўзлари «авиакомпания» сўзи билан алмаштирилсин.

2. Вазирлар Маҳкамасининг «Фуқаро авиацияси халқаро ташкилоти ишлари бўйича Ўзбекистон Давлат комиссияси тўғрисида» 1993 йил 7 июндаги 271-сон қарори 3-бандининг:

биринчи хатбошидаги«Ўзбекистон ҳаво йўллари» миллий авиакомпаниясининг бош директори» сўзлари «Парвозлар хавфсизлигини назорат қилиш бўйича Ўзбекистон Республикаси Давлат инспекцияси бошлиғи» сўзлари билан алмаштирилсин;

иккинчи хатбоши қуйидаги таҳрирда баён қилинсин:

«Ташқи ишлар, Ташқи иқтисодий алоқалар, Мудофаа, Макроиқтисодиёт ва статистика, Ички ишлар, Адлия, Молия, Соғлиқни сақлаш вазирларининг ўринбосарлари; Миллий хавфсизлик хизмати, Давлат божхона қўмитаси раисларининг ўринбосарлари; «Чкалов номидаги Тошкент авиация ишлаб чиқариш бирлашмаси» давлат-акциядорлик жамияти бош директори; Гидрометеорология бош бошқармасининг бошлиғи, «Ўзаэронавигация» директори; Вазирлар Маҳкамасининг Коммуникациялар комплекси котибияти мудири; Ўзбекистон почта ва телекоммуникациялар агентлиги бош директорининг ўринбосари — лавозимларига кўра ва кўрсатиб ўтилган бошқарув органлари раҳбарларининг тавсиясига биноан Фуқаро авиацияси халқаро ташкилоти ишлари бўйича Ўзбекистон Республикаси Давлат комиссиясининг аъзолари этиб белгилансинлар»;

4-банддаги «Ўзбекистон ҳаво йўллари» миллий авиакомпанияси» сўзлари «Парвозлар хавфсизлигини назорат қилиш бўйича Ўзбекистон Республикаси Давлат инспекцияси» сўзлари билан алмаштирилсин;

5-банд ўз кучини йўқотган деб ҳисоблансин.

Вазирлар Маҳкамасининг 1993 йил 7 июндаги 271-сон қарори билан тасдиқланган Фуқаро авиацияси халқаро ташкилоти (ИКАО) ишлари бўйича Ўзбекистон Республикаси Давлат комиссияси тўғрисидаги низомнинг 1 ва 5-бандларидаги «Ўзбекистон ҳаво йўллари» миллий авиакомпанияси» сўзлари «Парвозлар хавфсизлигини назорат қилиш бўйича Ўзбекистон Республикаси Давлат инспекцияси» сўзлари билан алмаштирилсин.