Ўзбекистон Республикаси Олий Мажлиси Қонунчилик палатасининг қонун ижодкорлиги, парламент назорати, халқаро ва парламентлараро алоқаларни ривожлантириш борасида амалга оширилган ишларини ҳамда депутатларнинг сайлов округларидаги фаолиятини оммавий ахборот воситаларида кенг ёритишда муносиб ҳисса қўшаётган, ўзининг меҳнатсеварлиги ва ватанпарварлиги билан ҳурмат-эътибор қозонган, қуйи палата фаолияти тўғрисида жамоатчиликнинг хабардорлигини таъминлаш борасида самарали меҳнат қилиб келаётган матбуот ва оммавий ахборот воситалари ходимларини рағбатлантириш мақсадида, Ўзбекистон Республикаси Олий Мажлиси Қонунчилик палатаси депутатларини ва Девони ходимларини маънавий ва моддий рағбатлантириш бўйича комиссиянинг тавсиясига асосан Ўзбекистон Республикаси Олий Мажлиси Қонунчилик палатасининг Кенгаши қарор қилади:

1. Ўзбекистон Республикаси Олий Мажлиси Қонунчилик палатаси томонидан амалга оширилган ишларнинг, қабул қилинаётган қонунларнинг мазмун-моҳияти ва аҳамиятини, шунингдек депутатларнинг фаолияти тўғрисидаги холис ва ҳаққоний ахборотни кенг жамоатчиликка етказишга қўшаётган муносиб ҳиссаси учун «Ўзбекистон 24» телеканали мухбири Эшбоев Иззат Исакович Ўзбекистон Республикаси Олий Мажлиси Қонунчилик палатасининг Фахрий ёрлиғи билан тақдирлансин.

2. Ўзбекистон Республикаси Олий Мажлиси Қонунчилик палатаси депутатлари томонидан амалга оширилаётган қонун ижодкорлиги ва назорат-таҳлил ишларини, қабул қилинаётган қонунларнинг мазмун-моҳиятини кенг ёритишга, бу борада холис ва ҳаққоний ахборотни кенг жамоатчиликка етказишга қўшаётган муносиб ҳиссаси учун Ўзбекистон Республикаси Олий Мажлиси Қонунчилик палатаси Девони Матбуот хизмати Ахборот-таҳлилий материалларни тайёрлаш гуруҳининг катта референт-муҳаррири Саилханова Латофат Алимовна ҳамда Матбуот хизмати ОАВ билан ишларни мувофиқлаштириш гуруҳининг оператори Вахабов Суннатилла Сайфулла ўғли Ўзбекистон Республикаси Олий Мажлиси Қонунчилик палатасининг Фахрий ёрлиғи билан тақдирлансин.

3. Ушбу Қарор қабул қилинган кундан эътиборан кучга киради.