LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Телерадио компанияси тизимини техника билан қайта жиҳозлаш учун жалб этилган хорижий кредитларни тўлаш мақсадида Вазирлар Маҳкамаси қарор қилади:
Олдинги таҳрирга қаранг.
1. Ўзбекистон миллий телерадиокомпанияси таркибий бўлинмалари Вазирлар Маҳкамасининг «Ўзбекистон Телерадио компанияси тизимини техника билан комплекс қайта жиҳозлаш тўғрисида» 1997 йил 25 августдаги 412-сон қарорига мувофиқ хорижий кредит ҳисобига сотиб олинган асбоб-ускуналар учун мулк солиғи тўлашдан мазкур асбоб-ускуналар бўйича мулк солиғи юзасидан илгари берилган солиқ имтиёзларининг амал қилиш муддати тугайдиган вақтдан бошлаб беш йил муддатга озод қилинсин.
(1-банд Ўзбекистон Республикаси Вазирлар Маҳкамасининг 2006 йил 10 мартдаги 41-сонли қарори таҳририда— Ўзбекистон Республикаси Қонун ҳужжатлари тўплами, 2006 й., 11-сон, 83-модда)
2. Вазирлар Маҳкамасининг 1997 йил 25 августдаги 412-сон қарорига қуйидаги ўзгартиришлар киритилсин:
«Асосий қарзни, фоизларни, воситачилик ҳақини ва Ўзбекистон Телерадио компанияси тизимини техника билан комплекс қайта жиҳозлаш дастури бўйича жалб этиладиган хорижий кредитларга хизмат кўрсатиш билан боғлиқ бўлган бошқа харажатларни тўлаш қарз битимлари муддатлари ва шартларига мувофиқ Ўзбекистон Республикаси Давлат бюджети маблағлари ҳисобига амалга оширилади»;
«4. Ўзбекистон Республикаси Иқтисодиёт вазирлиги, Молия вазирлиги 1998 йил ва кейинги йиллар учун марказлаштирилган капитал қўйилмалар лимитларини шакллантиришда аванс тўловларини амалга ошириш ҳамда хорижий банклар кредитларини ва қарз битимлари муддатлари ва шартларида улар бўйича белгиланган фоизларни тўлаш учун Ўзбекистон Телерадио компаниясига маблағлар ажратишни назарда тутсинлар».