Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5 sonli qarorining 1-bandi ikkinchi xatboshi:

Suv xoʻjaligi vazirligining tuman (Quvasoy shahar) irrigatsiya boʻlimlari hamda maxsus xizmatlari negizida «Suv yetkazib berish xizmati» davlat muassasalarini (keyingi oʻrinlarda — Suv yetkazib berish xizmatlari) tashkil etish; boʻyicha topshiriq belgilangan. Ushbu topshiriqqa asosan tumanda “Suv yetkazib berish xizmati” DM tashkil etilgan. Endilikda Irrigatsiya va melioratsiya boʻlimi faoliyatini “Suv yetkazib berish xizmati” DM tumandagi barcha turdagi qishloq xoʻjaligi suv isteʼmolchilariga suv yetkazib berish hamda foydalanilgan suv isteʼmoli boʻyicha soliq organlariga suv soligʻi hisoblash uchun maʼlumotlarni berib boradi deb belgilangan.

Quyi Chirchiq tumani “Suv yetkazib berish xizmati” DM tomonidan 2026-yil yozgi sugʻorish mavsumiga sugʻorish ishlarini amalga oshirish yer maydonlari va ekin turlaridan kelib chiqib suv limitlari taqsimlangan.

Paxtachi hududi maydoni 4322 ga, fermer va suv isteʼmolchilari soni 22 ta.

Mexnatobod hududi maydoni 3765 ga, fermer va suv isteʼmolchilari soni 8 ta.

Doʻstlik hududi maydoni 2529 ga, fermer va suv isteʼmolchilari soni 10 ta.

Yulduz hududi maydoni 1024 ga, fermer va suv isteʼmolchilari soni 13 ta.

Oʻjakent hududi maydoni 2404 ga, fermer va suv isteʼmolchilari soni 2 ta.

Abay hududi maydoni 6263 ga, fermer va suv isteʼmolchilari soni 52 ta.

Oʻzbekiston hududi maydoni 7013 ga, fermer va suv isteʼmolchilari soni 17ta.

Toshovul hududi maydoni 2304 ga, fermer va suv isteʼmolchilari soni 11 ta.

Otajonov hududi maydoni 2590 ga, fermer va suv isteʼmolchilari soni 79 ta.

Ulugʻbek hududi maydoni 2727 ga, fermer va suv isteʼmolchilari soni 13 ta.

Guliston hududi maydoni 2417 ga, fermer va suv isteʼmolchilari soni 1 ta.

Yangi Xayot hududi maydoni 3400 ga, fermer va suv isteʼmolchilari soni 14ta.

Beruniy hududi maydoni 4237 ga, fermer va suv isteʼmolchilari soni 22 ta.

Xamza hududi maydoni 2068 ga, fermer va suv isteʼmolchilari soni 4 ta.

Navoiy hududi maydoni 2880 ga, fermer va suv isteʼmolchilari soni 11 ta.

Jami sugʻoradigan ekin va baliqchilik hovuzlari maydoni — 49940 ga.

Jami fermerlar va suv isteʼmolchilar soni — 279 ta

Quyi Chirchiq tumani boʻyicha 2026-yilning sugʻorish mavsumiga talab etiladigan suv miqdori — 311,0 mln. m³.

Reja boʻyicha tizimlaridan olinadigan suv miqdori — 390,3 mln. m³.

Chirchiq-Ohangaron irrigatsiya tizimlari havza boshqarmasi boʻyicha 2026-yil sugʻorish mavsumi uchun ajratilgan suv olish limiti Quyi Chirchiq tumani uchun jami 311,0 mln. m³.

Shu jumladan sugʻorishga (qishloq xoʻjaligi) — 225,6 mln. m³

Baliqchilikka — 48,4 mln. m³.

Boshqalarga — 0,5 mln. m³.

belgilangan limitlar asosida suv isteʼmolchilariga suv yetkazib berishligi;.

oʻziga biriktirilgan hududda suvning hisobi va hisobotini yuritishligi;

sugʻorish tarmoqlari va ulardagi gidrotexnik inshootlarni himoya zonalari bilan birgalikda soz holatda saqlash, taʼmirlash-tiklash ishlarini amalga oshirishligi;

isteʼmolchilar kesimida isteʼmol qilingan suv hajmi toʻgʻrisidagi maʼlumotlarni soliq organlariga taqdim etib borishligi;

suv isteʼmolchilarining buyurtmanomasi asosida boshqa suv xoʻjaligi xizmatlarini koʻrsatishligi.

Suv yetkazib berish xizmatlari qonunchilik hujjatlariga muvofiq boshqa vazifalarni ham amalga oshirishi mumkin.

Oʻzbekiston Respublikasi Prezidentining PQ-5-sonli qarori 6-bandida:

2026-yil qishloq xoʻjaligi yerlarini sugʻorish va baliqlarni yetishtirish (oʻstirish) uchun foydalaniladigan suv hajmi, shu jumladan dehqon xoʻjaliklari va qishloq xoʻjaligiga moʻljallangan yerlarga ega boʻlgan jismoniy shaxslar uchun suv resurslaridan foydalanganlik uchun soliq (keyingi oʻrinlarda — suv soligʻi) stavkasi 1 kub metr suv uchun 100 soʻm etib belgilanganligi;

isteʼmol qilingan suv miqdori hisobini yuritmagan (yuritishdan bosh tortgan) qishloq xoʻjaligi mahsulotlari ishlab chiqaruvchilari uchun suv soligʻi bazasi xalq deputatlari tuman Kengashlari tomonidan tasdiqlangan limitlarga nisbatan ikki barobar oshirilgan holda hisoblanishligi;

2025-yildan boshlab:

suvni tejaydigan sugʻorish texnologiyalari joriy qilinganda hamda sugʻorish uchun olingan suv hajmi suv oʻlchash uskunalari asosida aniqlanganda suv soligʻi stavkasiga 0,5 kamaytiruvchi koeffitsient qoʻllanilishi;

suvni tejaydigan sugʻorish texnologiyalari joriy qilinganda yoki sugʻorish uchun olingan suv hajmi suv oʻlchash uskunalari asosida aniqlanganda suv soligʻi stavkasiga 0,7 kamaytiruvchi koeffitsient qoʻllanilishi;

baliqchilik uchun olingan suv hajmi suv oʻlchash uskunalari asosida aniqlanganda suv soligʻi stavkasiga 0,7 kamaytiruvchi koeffitsient, qoʻllanililishi belgilangan.

Yuqoridagilardan kelib chiqib, Quyi Chirchiq tumani “Suv yetkazib berish xizmati” davlat muassasasining 2026-yil 25 martdagi 2/44-sonli xati, Quyi Chirchiq tuman “Suv yetkazib berish xizmati” DM rahbari J. Tashmuxamedovning hisoboti hamda DK qarorini inobatga olib, Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6 va 24-moddalariga muvofiq, Xalq deputatlari Quyi Chirchiq tuman Kengashi qaror qiladi:

1. Oʻzbekiston Respublikasi Prezidentining 2024 yil 5 yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5 sonli qarori ijrosini taʼminlash boʻyicha “Suv yetkazib berish xizmati” DM rahbari J. Tashmuxamedovning hisoboti maʼlumot uchun qabul qilinsin.

2. Quyi Chirchiq tumani suvdan foydalanuvchilarga 2026-yil yozgi sugʻorish mavsumiga ajratilgan cheklangan suv miqdori (limit) 1-ilovaga muvofiq tasdiqlansin.

3. Quyi Chirchiq tumani “Suv yetkazib berish xizmati” davlat muassasasida 2026-yil sugʻorish davrida suv manbalaridan olinadigan cheklangan suv miqdori (limit) 2-ilovaga muvofiq tasdiqlansin.

4. Quyi Chirchiq tumani hududlar boʻyicha 2026-yil uchun yozgi sugʻorish mavsumida suv olish limiti isteʼmolchilar kesimida 3-ilovaga muvofiq tasdiqlansin.

5. Mazkur qaror ijrosini nazorat qilish Agrar, qurilish, kommunal sohalar, ekologiya, sanoat va trasport masalalari boʻyicha doimiy komissisi (Sh. Usmanov)ga, ijrosini taʼminlash tuman hokimining qishloq va suv xoʻjaligi masalalari boʻyicha oʻrinbosari — tuman qishloq xoʻjaligi boʻlimi boshligʻi T. Saitmuradov zimmasiga yuklansin.