Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6-, 21¹-moddalari va “Yoʻl harakati toʻgʻrisida”gi Qonunining 8-moddasi, Vazirlar Mahkamasining 2022-yil 12-apreldagi 172-sonli qarori bilan tasdiqlangan Yoʻl harakati qoidalari talablariga asosan, Angren shahri hududidagi umumfoydalanuvidagi avtomobil yoʻllari va markaziy koʻchalarida fuqarolar va transport vositalarini harakat xavfsizligini taʼminlash, yoʻl transport hodisalarini oldini olish maqsadida, qaror qilaman:

1. Angren shahar Ichki ishlar boshqarmasining 2025-yil 8-noyabrdagi 25/27-1768-sonli xati inobatga olinsin.

2. Angren shahri hududidagi umumfoydalanuvidagi avtomobil yoʻllari va markaziy koʻchalarida fuqarolar va transport vositalarini harakat xavfsizligini taʼminlash, yoʻl transport hodisalarini oldini olish maqsadida ilovaga muvofiq yoʻl belgilari oʻrnatishga ruxsat berilsin.

3. Angren shahar Ichki ishlar boshqarmasi yoʻl harakati xavfsizligi boʻlimi (A. Zoxidov):

mazkur qaror bilan tegishli joylarga yoʻl belgilarini oʻrnatilishini tashkil etsin hamda ushbu hududlarda avtotransport vositalari harakatini nazorat qilib borsin.

4. Mazkur qaror “Angren haqiqati” va “Ангренская правда” gazetalarida rasmiy eʼlon qilinsin va hokimlikning rasmiy veb-saytiga joylashtirilsin.

5. Mazkur qaror rasman eʼlon qilingan kundan kuchga kiradi.

6. Mazkur qaror ijrosini taʼminlash Angren shahar hokimining birinchi oʻrinbosari Y. Naraliyev hamda Angren shahar Ichki ishlar boshqarmasi boshligʻi A. Mirxodjayev zimmalariga yuklansin.