Qaraqalpaqstan Respublikası Mektepke shekemgi hám mektep bilimlendiriw ministrliginiń 2025-jıl 23-iyuldaǵı 04-11-5613-sanlı xatı hám Xojeli rayonı Mektepke shekemgi hám mektep bilimlendiriw bóliminiń 2026-jıl 12-yanvar kúngi 02/1-35-sanlı xatın inabatqa alıp, Ózbekstan Respublikası “Jergilikli mámleketlik hákimiyatı haqqında”ǵı nızamınıń 6, 21¹ -statyasına muwapıq, Xojeli rayonı hákimi sheshim etedi:

1. Qaraqalpaqstan Respublikası Mektepke shekemgi hám mektep bilimlendiriw ministrliginiń 2025-jıl 23-iyuldaǵı 04-11-5613-sanlı xatı hám Xojeli rayonı Mektepke shekemgi hám mektep bilimlendiriw bóliminiń 2026-jıl 12-yanvar kúngi 02/1-35-sanlı xatı maǵlıwmat ushın qabıl etilsin hám orınlanıwı támiyinlensin.

2. Xojeli rayonı Mektepke shekemgi hám mektep bilimlendiriw bólimine qaraslı ulıwma orta bilim beriw mekteplerine balalardı qamtıp alıw boyınsha aymaqlar (mikro aymaq) dizimi qosımshaǵa muwapıq tastıyıqlansın.

3. Xojeli rayonı Mektepke shekemgi hám mektep bilimlendiriw bólimi (K. Fayzullaeva)ne:

Ózbekstan Respublikasınıń “Ulıwma orta bilim beriw mektepleri haqqında”ǵı Reje talapları tiykarında jumıs alıp barıw hám ulıwma orta bilim beriw mektepleri óz aymaǵında (mikro aymaq) jasawshı mektep jasındaǵı balalardı májbúriy bilim alıwǵa tolıq tartıw hám bul jumıslardı sıpatlı ámelge asırıw maqsetinde juwapker qánigeler biriktiriw tapsırılsın.

4. Usı sheshim rayonlıq “Xojeli haqıyqatı” gazetasında rásmiy túrde jariyalansın hám rayon hákimliginiń rásmiy veb-saytına jaylastırılsın.

5. Usı sheshim qabıl etiliwi múnásibeti menen Xojeli rayonı hákiminiń 2024-jıl 31-yanvar kúngi “Xojeli rayonı Mektepke shekemgi hám mektep bilimlendiriw bólimine qaraslı ulıwma orta bilim beriw mekteplerine balalardı qamtıp alıw boyınsha aymaqlardı (mikro aymaq) belgilew hám biriktiriw haqqında”ǵı 29-13-191-Q/24-sanlı sheshimi óz kúshin joyıtqan dep esaplansın.

6. Usı sheshimniń orınlanıwın qadaǵalaw rayon hákiminiń orınbasarı X. Xalmuratovqa júkletilsin.

7. Sheshim rásmiy jariyalanǵan kúnnen baslap kúshke kiredi.