Oʻzbekiston Respublikasi Prezidentining 2024-yil 5-yanvar kungi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarori va Amudaryo tumani Suv yetkazib berish xizmati davlat muassasasi direktorining 2026-yil 26-martdagi “Amudaryo tumani 2026-yil vegetatsiya davri uchun yakuniy isteʼmolchilarga, shuningdek, boshqa suvdan foydalanuvchilar va suv isteʼmolchilariga tuman ahamiyatiga ega boʻlgan suv obyektlaridan manbalar, hududlar va iqtisodiyot tarmoqlari boʻyicha suv olish limitlarini tasdiqlash to`g`risida”gi02/10-108-sonli xatiga asosan Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6 va 24-moddalariga muvofiq xalq deputatlari tuman Kengashi qaror qiladi:

1. Amudaryo tumani Suv yetkazib berish xizmati davlat muassasasi direktorining 2026-yil 26-martdagi “Amudaryo tumani 2026-yil vegetatsiya davri uchun yakuniy isteʼmolchilarga, shuningdek, boshqa suvdan foydalanuvchilar va suv isteʼmolchilariga tuman ahamiyatiga ega boʻlgan suv obyektlaridan manbalar, hududlar va iqtisodiyot tarmoqlari boʻyicha suv olish limitlarini tasdiqlash to`g`risida”gi 02/10-108-sonli xati maʼlumot uchun qabul qilinsin.

2. Quyidagilar:

Amudaryo tumani boʻyicha 2026-yilning sugʻorish mavsumi uchun isteʼmolchilarga ajratilgan cheklangan suv miqdori (limit) 1-ilovaga muvofiq;

Amudaryo tumani boʻyicha 2026-yilning sugʻorish mavsumi uchun Dehqon xo`jaliklariga ajratilgan cheklangan suv miqdori (limit) 2,3,4,5,6-ilovalarga muvofiq tasdiqlansin.

3. Ushbu qarorning ijrosini nazorat qilish xalq deputatlari tuman Kengashining Agrar, suv xoʻjaligi va ekologiya masalalari boʻyicha doimiy komissiyasi zimmasiga yuklansin.

4. Ushbu qaror qabul qilingan kundan kuchga kiradi.