Qaraqalpaqstan Respublikası Ministrler Keńesiniń 2026-jıl 12-fevral kúngi “Qaraqalpaqstan Respublikası aymaǵında jaylasqan bazarlar hám sawda kompleksleriniń basqarmaları tárepinen óndirip alınatuǵın bir mártelik jıyımlar, ijara tólemi hám kórsetiletuǵın xızmetler ushın óndiriletuǵın tólemlerdiń eń kem muǵdarların belgilew haqqında”ǵı 93-13-0-Q/26-sanlı sheshimi hám de Ózbekstan Respublikasınıń “Jergilikli mámleketlik hákimiyat haqqında”ǵı Nızamınıń 6-21¹-statyalarına tiykar, Qanlıkól rayonı hákimligi sheshim etedi:

1. Qaraqalpaqstan Respublikası Ministrler Keńesiniń 2026-jıl 12-fevral kúngi “Qaraqalpaqstan Respublikası aymaǵında jaylasqan bazarlar hám sawda kompleksleriniń basqarmaları tárepinen óndirip alınatuǵın bir mártelik jıyımlar, ijara tólemi hám kórsetiletuǵın xızmetler ushın óndiriletuǵın tólemlerdiń eń kem muǵdarların belgilew haqqında”ǵı 93-13-0-Q/26-sanlı sheshimi orınlaw ushın basshılıqqa alınsın.

2. Qaraqalpaqstan Respublikası Finans ministrligi, Qaraqalpaqstan Respublikası Mámleketlik salıq basqarması hám “Qaraqalpaq diyqan bazarları” Respublikalıq birlespesi usınısları inabatqa alınǵanlıǵı maǵlıwmat ushın qabıl etilsin.

Qanlıkól rayonı aymaǵındaǵı bazarlar hám sawda kompleksleri administraciyası tárepinen óndiriletuǵın bir mártelik jıyım muǵdarları 1-qosımshaǵa muwapıq;

Qanlıkól rayonı aymaǵındaǵı bazarlar hám sawda kompleksleri aymaǵındaǵı hám de olarǵa tutas bolǵan aymaqlarda bina, imaratlar hám inventarlardı ijaraǵa beriw hám kórsetilgen xızmetler ushın óndiriletuǵın tólemlerdiń muǵdarları 2-qosımshaǵa muwapıq tastıyıqlansın.

3. Qanlıkól rayonı hákiminiń birinshi orınbasarı (F. Xalmuratov) Qanlıkól rayonı Salıq inspekciyası (A. Eshmuratov), “Qanlıkól diyqan bazarı” JShJ (Z. Qurbanbaev) penen birgelikte:

bazarlar hám sawda komplekslerinen óndiriletuǵın bir mártelik jıyımlar, kórsetiletuǵın xızmetler hám ijara tólemlerin belgilengen tártipte óndiriliwin;

usı sheshim menen belgilengen bir mártelik jıyımlar, ijara tólemi hám kórsetiletuǵın xızmetler ushın óndiriletuǵın tólemler muǵdarın Qanlıkól rayonı aymaǵındaǵı bazarlar hám sawda komplekslerine jetkeriliwin, satıwshı hám qarıydarlarǵa kórinetuǵın orınlarǵa jaylastırılıwın hám de ornatılıwın támiyinlesin.

4. Qanlıkól rayonı Salıq inspekciyası (A. Eshmuratov) bazarlar hám sawda kompleksleri administraciyası tárepinen bir mártelik jıyımlar, ijara tólemi hám kórsetiletuǵın xızmetler ushın óndiriletuǵın tólemlerdi kóbeytiw esesine túsetuǵın dáramatlarınan Ózbekstan Respublikasınıń Salıq kodeksinde belgilengen tártipte salıq tólemleriniń óndiriliwin támiyinlesin.

5. Usı sheshimniń 2-qosımshasına muwapıq, ulıwma iyelegen jer maydanı 100 kv. metrden artıq bolǵan obyektlerdi saqlaw boyınsha kórsetiletuǵın xızmetler obyekttiń paydalanılıp atırǵan maydanınan kelip shıqqan halda óndiriliwi belgilensin (bazar aymaǵınan sırtta jaylasqan obyektler buǵan kirmeydi).

6. Qaraqalpaqstan Respublikası Ministrler Keńesiniń 2025-jıl 26-aprel kúngi 204-13-0-Q/25-sanlı qararı óz kúshin joyıtqanlıǵı maǵlıwmat ushın qabıl etilsin.

7. Usı sheshimniń orınlanıwın qadaǵalaw Qanlıkól rayonı hákiminiń birinshi orınbasarı F. Xalmuratovqa júklensin.