Oʻzbekiston Respublikasi Suv kodeksining 68-moddasiga, Oʻzbekiston Respublikasi Prezidentining 2024-yil 5-yanvardagi PQ-5-sonli “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi qaroriga muvofiq, Beruniy tuman “Suv yetkazib berish xizmati” davlat muassasasi direktori J.Yeshanovning 2026-yil 30-mart kungi 01/09-158-sonli xati bilan taqdim qilgan kuz-qish davri uchun yakuniy isteʼmolchilar kesimida ekinlarni sugʻorish uchun suv olish limitlarini hududlar boʻyicha tasdiqlangan limit doirasida ishlab chiqilgan hujjatlarini koʻrib chiqib, Oʻzbekiston Respublikasining “Mahalliy davlat hokimiyati toʻgʻrisida”gi Qonuni 6-,24-moddalariga asosan Xalq deputatlari Beruniy tumani Kengashi qaror qiladi:

1. Beruniy tuman “Suv yetkazib berish xizmati” davlat muassasasi direktori J.Yeshanovning 2026-yil 30-mart kungi 01/09-158-sonli xati inobatga olinsin.

2. Beruniy tumanida 2026-yil vegetatsiya davri uchun isteʼmolchilarning suv olish limitlari ilovaga muvofiq tasdiqlansin.

3. Beruniy tumani Qishloq xoʻjaligi boʻlimi rahbari M. Yuldashev tuman “Suv yetkazib berish xizmati” davlat muassasasi direktori J. Yeshanov bilan birgalikda:

qishloq xoʻjaligi ekinlarini sugʻorish uchun isteʼmolchilar kesimidagi suv olish limitlarini “Suv hisobi” axborot tizimiga kiritib borish topshirilsin.

4. Tuman “Suv yetkazib berish xizmati” davlat muassasasi direktori (J. Yeshanov)ga:

belgilangan suv limitlar asosida isteʼmolchilarga suv yetkazib berish;

hududda suvning hisobi va hisobotini yuritish;

sugʻorish tarmoqlari va ulardagi gidrotexnik inshootlarni soz holatda saqlash, taʼmirlash-tiklash tadbirlarini amalga oshirish;

suv olish joylarini suvni boshqarish va hisobga olish vositalari bilan jihozlash;

isteʼmolchilar kesimida isteʼmol qilingan suv hajmi toʻgʻrisidagi maʼlumotlarni soliq organlariga taqdim etib borish;

amalga oshirilgan ishlar yuzasidan Xalq deputatlari tuman Kengashiga hisobot berib borishi belgilansin.

5. Mazkur qaror ijrosining nazorati Xalq deputatlari Beruniy tumani Kengashi “Agrar, suv xoʻjaligi va ekologiya masalalari boʻyicha” doimiy komissiyasi zimmasiga yuklatilsin.

6. Mazkur qaror rasmiy eʼlon qilingan kundan kuchga kiradi.