Ózbekstan Respublikasınıń "Jergilikli mámleketlik hákimiyat haqqında"ǵı Nızamınıń 6, 211-statyaları, "Bilimlendiriw haqqında"ǵı Nızamnıń 27-statyası, Ministrler Kabinetiniń 2017-jıl 15-marttaǵı 140-sanlı qararı menen tastıyıqlanǵan "Ulıwma orta bilimlendiriw haqqında"ǵı rejeniń 39-bántine tiykarlanıp, rayonda mektep jasındaǵı balalardı ulıwma orta bilimlendiriwge qamtıp alıw procesinde ulıwma bilim beriw mákemelerine biriktirilgen aymaqlardı (mikrohudud) anıq belgilew maqsetinde sheshim etemen:

1. Qanlıkól rayonında mektep jasındaǵı balalardı ulıwma orta bilimlendiriwge tolıq qamtıp alıw boyınsha ulıwma bilimlendiriw mákemelerine biriktirilgen aymaqlar (mikrohudud) dizimi qosımshaǵa muwapıq tastıyıqlansın.

2. Qanlıkól rayonı hákiminiń orınbasarı (R. Qalimbetov), rayonlıq mektepke shekemgi hám mektep bilimlendiriwi bólimi (B. Xojamuratov), rayondaǵı ulıwma bilimlendiriw mákemeleriniń basshılarına mektep jasındaǵı balalardı ulıwma orta bilimlendiriwge tolıq qamtıp alıw, oqıwshılardıń sabaqlarǵa qatnasıw jaǵdayı boyınsha monitoring alıp barıw hám onıń nátiyjesinde anıqlanǵan mashqalalardı saplastırıw boyınsha zárúr ilajlar kóriw wazıypası tapsırılsın.

3. Rayondaǵı ulıwma bilim beriw mákemeleriniń basshıları ózleri basshılıq etip atırǵan mákemege biriktirilgen aymaqtaǵı mektep jasındaǵı balalardı ulıwma bilim beriw mákemesine oqıwǵa óz waqtında tartıw ushın juwapker esaplanatuǵını belgilensin.

4. Usı sheshim "Qanlıkól xabarları" gazetasında rásmiy járiyalansın hám hákimliktiń rásmiy veb-saytına jaylastırılsın.

5. Usı sheshim rásmiy járiyalanǵan kúnnen baslap kúshke kiredi.

6. Usı sheshimniń orınlanıwın qadaǵalaw rayon hákiminiń orınbasarı R. Qalimbetovqa júklensin.