Ózbekstan Respublikası Prezidentiniń 2024-jıl 5-yanvardaǵı “Tómengi buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı, Ózbekstan Respublikası Ministrler Kabinetiniń 2024-jıl 9-fevraldaǵı 79-sanlı qararınıń 5-qosımshasına hámde rayonlıq “Suw jetkerip beriw xızmeti” mámleketlik mákemesiniń 2026-jıl -fevral kúngi 01/03-988-sanlı xatına tiykar Ózbekstan Respublikası “Jergilikli mámleketlik hákimiyat haqqında”ǵı nızamınıń 6 hám 24-statyalarına muwapıq Xalıq deputatları Qońırat rayonlıq Keńesi sheshim etedi:

1.Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı orınlaw ushın qabıl etilsin.

2. Xalıq deputatları Qońıratrayonlıq Keńesiniń 2025-jıl 24-oktyabr kúngi “Qońırat rayonında 2025-2026-jıldıń shor juwıw dáwiri ushın fermerler kesiminde egin túrlerine qarap suw limitin tastıyıqlaw haqqında”ǵı VII-19-135-13-185-K/25-sanlı sheshiminiń 1-qosımshasına ózgeris kiritiw haqqındaǵı rayonlıq “Suw jetkerip beriw xızmeti” MM direktorı w.w.a N. Tureevtıń usınısı qosımshaǵa muwapıq tastıyıqlansın.

Bunda, Ózbekstan Respublikası Salıq kodeksiniń 445-statyası 4-bólimine muwapıq suwdan paydalanıw ushın belgilengen limitlerden artıqsha suw alınǵanda, bunday artıqsha bólek boyınsha alıq stavkaları belgilengen salıq stavkalarınıń bes esesi muǵdarında belgilenetiġınlıġı inábatqa alınsın.

3. Qońırat rayonı hákiminiń birinshi orınbasarı (J. Kurbaniyazov), Qońırat rayonı hákiminiń awıl xojalıǵı hám suw xojalıǵı máseleleri boyınsha orınbasarı (T. Sultanov), Qońırat rayonı mámleketlik salıq inspekciyası (A. Krikbaev), Qońırat rayonı “Suw jetkerip beriw xızmeti” mámleketlik mákemesi (N. Tureev), Qońırat rayonı ǵaznashılıq bólimbesi menen birgelikte:

Ózbekstan Respublikası Ministrler Keńesiniń 2024-jıl 9-fevral kúngi 79-sanlı qararınıń 5-qosımshasına tiykar fermerler kesiminde ajratılǵan suw alıw limitleri tiykarında rayon aymaǵında suwdıń esabı hám esabatın júrgiziw jumısları shólkemlestirilsin;

2025-2026-jıldıń shor juwıw dáwiri ushın fermerler kesiminde egin túrlerine qarap jerlerdiń shorın juwıw ushın belgilengen limitler tiykarında tutınıwshılarǵa suw jetkiziw ilajların ámelge asırsın;

ózine biriktirilgen aymaqta suwdıń esabı hám esabatın júrgizsin;

suwǵarıw tarmaqları hám olardaǵı gidrotexnikalıq imaratlardı, saz jaǵdayda saqlaw, remontlaw-qayta tiklew ilajların ámelge asırsın.

4. Qońırat rayonı salıq inspekciyası (A. Krikbaev) Qońırat rayonı “Suw jetkerip beriw xızmeti” mámleketlik mákemesi (N. Tureev) tiyisli shólkemler menen birgelikte awıl xojalıǵına mólsherlengen jerlerdi suwǵarıw ushın paydalanılǵan suw kólemi, sonday-aq, diyxan xojalıqları hám awıl xojalıǵına mólsherlengen jerlerge iye bolǵan yuridikalıq hám fizikalıq shaxslar ushın suw resurslarınan paydalanǵanlıǵı ushın salıq tólemlerin belgilengen tártipte hám múddetlerde óndiriw ilajları kórilsin.

5. Qońırat rayonı hákimliginiń málimleme xızmeti, rayonlıq «Qońırat haqıyqatı» gazetası, rayonda 2025-2026-jıldıń shor juwıw dáwiri ushın fermerler kesiminde egin túrlerine qarap tastıyıqlanǵan suw limit boyınsha ámelge asırılıp atırǵan jumıslardıń barısı haqqında rayon hákimliginiń rásmiy veb-saytı hámde ǵalaba xabar qurallarında jarıtıp barıw tapsırılsın.

6. Usı sheshimniń orınlanıwın tamiyinlewQońırat rayonı hákiminiń birinshi orınbasarı (J. Kurbaniyazov),Qońırat rayonı hákiminiń awıl xojalıǵı hám suw xojalıǵı máseleleri boyınsha orınbasarı (T. Sultanov)na júklensin.

7. Usı sheshimniń orınlanıwın qadaǵalaw Xalıq deputatları Qońırat rayonlıq Keńesiniń Agrar, suw xojalıǵı hám ekologiya máseleleri boyınsha turaqlı komissiyası (P. Aytjanov)na júklensin.

8. Sheshim rásmiy járiyalanġan kúnnen baslap kúshke kiredi.