Ózbekstan Respublikası Prezidentiniń 2025-jıl 26-dekabrdegi PQ-387-sanlı “Jergilikli byudjetler hám byudjet shólkemleriniń finanslıq turaqlılıǵın arttırıw, byudjet intizamın kúsheytiwge baylanıslı qosımsha ilajlar haqqında”ǵı qararı hámde Moynaq rayonlıq salıq inspekciyasınıń usınısına tiykarlanıp “Jergilikli mámleketlik hákimiyat haqqında”ǵı Ózbekstan Respublikası Nızamınıń 6 hám 24-statyalarına muwapıq, xalıq deputatları rayonlıq Keńesi sheshim etedi:

1. Ózbekstan Respublikasınıń 2025-jıl 25-dekabrdegi ÓRQ-1105-sanlı Nızamınıń 9-qosımshasına tiykarlanıp 2026-jıl ushın ayırım túrdegi tovarlar menen usaqlap satıw sawdası huqıqı ushın jıyımlardıń sheklengen stavkası basqa qalalar (basqa elatlı punktler) alkogol ónimlerin (buǵan pivo kirmeydi) realizaciyalaw huqıqı ushın jıyım 300 000 som, ulıwma awqatlanıw kárxanaları tárepinen alkogol ónimlerin (buǵan pivo kirmeydi) realizaciyalaw huqıqı ushın jıyım 150 000 som belgilengenligi hámde Ózbekstan Respublikası Prezidentiniń 2025-jıl 26-dekabrdegi PQ 387-sanlı qararına tiykarlanıp 2026-jıl 1-yanvardan baslap Xalıq deputatları rayonlıq hám qalalıq keńeslerine alkogol ónimlerin (pivodan tısqarı) realizaciyalaw huqıqı ushın jáne ulıwma awqatlanıw kárxanaları tárepinen alkogol ónimlerin (pivodan tısqarı) realizaciyalaw huqıqı ushın jıyımlardıń sheklengen stavkaların 20 procentke shekem arttırıw wákilligi berilgen hám usı jıyımlardan túsken túsimler tolıq muǵdarda rayon (qala) lardıń byudjetlerine qaratılatuǵını maǵlıwmat ushın qabıl etilsin.

2. Rayonlıq ekonomika hám qarjı bólimi jáne Moynaq rayonlıq salıq inspekciyasınıń aymaqlardıń ekonomikalıq rawajlanǵanlıq dárejesi jáne jergilikli mámleketlik hákimiyat uyımlarınıń usı jıl ushın belgilengen jergilikli byudjet prognozınan kelip shıǵıp, rayonlar hám qalalar boyınsha 2026-jıl ushın tovarlardıń ayırım túrleri menen usaqlap satıw sawdası huqıqı ushın jıyımlardıń sheklengen stavkalarına arttırılatuǵın koefficientlerdi qollanıw boyınsha bergen usınısları inabatqa alınsın.

3. Moynaq rayonında 2026-jıl ushın jergilikli salıqlar hám basqa da májbúriy tólemlerdiń stavkaların nızamshılıqta belgilengen muǵdarlar sheńberinde: 2026-jıl ushın tovarlardıń ayırım túrleri menen usaqlap satıw sawdası huqıqı ushın jıyımlardıń sheklengen stavkalarına arttırılatuǵın koefficientlerdi qollanıw belgilengen tártipte qosımshaǵa muwapıq tastıyıqlansın.

4. Xalıq deputatları rayonlıq Keńesi tovarlardıń ayırım túrleri menen usaqlap satıw huqıqı ushın jıyımlardıń sheklengen stavkaları aymaqlıq salıq uyımına usınılıwın támiyinlesin.

5. Moynaq rayonlıq salıq inspekciyası 2026-jıl ushın tovarlardıń ayırım túrleri menen usaqlap satıw sawdası huqıqı ushın jıyımlardıń sheklengen stavkaları tiykarında esaplanıwın hám belgilengen tártipte óndiriliwin támiyinlesin.

6. Usı sheshim “Aral balıqshısı” gazetasında rásmiy járiyalanıp, rayon hákimliginiń rásmiy veb-saytına jaylastırılsın.

7. Usı sheshimniń orınlanıwın támiyinlew rayon hákiminiń birinshi orınbasarı S.Iniyatovqa, orınlanıwın qadaǵalaw xalıq deputatları rayonlıq Keńesiniń Jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyasına júklensin.

8. Usı sheshim qabıl etilgen kúnnen baslap úsh aydan soń kúshke kiredi.