Ózbekstan Respublikası Prezidentiniń 2024-jıl 5-yanvardaǵı “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı, Ózbekstan Respublikası Ministrler Kabinetiniń 2024-jıl 9-fevraldaǵı 79-sanlı qararınıń 5-qosımshasına hám de Nókis rayonı “Suw jetkerip beriw xızmeti” mámleketlik mákemesiniń 2026-jıl 24-fevral kúngi 01/08-620-sanlı usınıs xatın tiykar, Ózbekstan Respublikasınıń “Jergilikli mámleketlik hákimiyat haqqında”ǵı Nızamınıń 6, 24-statyalarına muwapıq Xalıq deputatları Nókis rayonlıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvar kúngi “Tómen buwında suw resursların basqarıw sistemasın jetilistiriw hám de suw resurslarınan paydalanıw nátiyjeliligin asırıw ilajları haqqında”ǵı PQ-5-sanlı qararı orınlaw ushın basshılıqqa alınsın.

2. Xalıq deputatları Nókis rayonlıq Keńesiniń 2025-jıl 27-oktyabr kúngi “Nókis rayonında 2025-2026-jıllardıń gúz-qıs shor juwıw dáwiri ushın suw limitlerin tastıyıqlaw haqqında”ǵı VII-13-145-13-188-K/25-sanlı sheshimine ózgeris hám qosımshalar kiritiw haqqındaǵı Nókis rayonı “Suw jetkerip beriw xızmeti” mámleketlik mákemesiniń 2026-jıl 24-fevral kúngi 01/08-620-sanlı usınıs xatı maǵlıwmat ushın qabıl etilsin.

3. Xalıq deputatları Nókis rayonlıq Keńesiniń 2025-jıl 27-oktyabr kúngi VII-13-145-13-188-K/25-sanlı sheshimine ózgeris hám qosımshalar kirgizilip, Nókis rayonında 2025-2026-jıllardıń gúz-qıs shor juwıw dáwiri ushın ajıratılǵan limitler muǵdarı qosımshaǵa muwapıq qayta tastıyıqlansın.

4. Nókis rayonı hákiminiń awıl xojalıǵı hám suw xojalıǵı máseleleri boyınsha orınbasarı (I. Otepov)na, rayonlıq “Suw jetkerip beriw xızmeti” mámleketlik mákemesi hám tiyisli mákeme shólkemler menen birgelikte:

Ózbekstan Respublikası Prezidentiniń 2024-jıl 5-yanvardaǵı PQ-5-sanlı qararına tiykar 2025-2026-jıllarda gúz-qıs dáwirinde shor juwıw ushın ajıratılǵan limitler tiykarında tutınıwshılarǵa suwdı retlestirip jetkerip beriw boyınsha zárúr ilajlardıkóriw;

suwǵarıw tarmaqları hám olardaǵı gidrotexnikalıq imaratlardı, saz jaǵdayda saqlaw, remontlaw-qayta tiklew ilajların ámelge asırıw;

awıl xojalıǵına mólsherlengen jerlerdi suwǵarıw ushın paydalanılǵan suw kólemi, sonday-aq, diyxan xojalıqları hám awıl xojalıǵına mólsherlengen jerlerge iye bolǵan yuridikalıq hám fizikalıq shaxslar ushın suw resurslarınan paydalanǵanlıǵı ushın salıq tólemlerin belgilengen tártipte hám múddetlerde óndiriw ilajları kóriw tapsırılsın.

Bunda, Ózbekstan Respublikası Salıq kodeksiniń 445-statyası 4-bólimine muwapıq suwdan paydalanıw ushın belgilengen limitlerden artıqsha suw alınǵanda, bunday artıqsha bólek boyınsha salıq stavkaları belgilengen salıq stavkalarınıń bes esesi muǵdarında belgilenetiġınlıġı inábatqa alınsın.

5. Sheshimniń orınlanıwın tamiyinlew Nókis rayonı hákiminiń awıl xojalıǵı hám suw xojalıǵı máseleleri boyınsha orınbasarı (I. Otepov)na hám orınlanıwın qadaǵalaw Xalıq deputatları Nókis rayonlıq Keńesiniń Agrar, suw xojalıǵı hám ekologiya máseleleri boyınsha turaqlı komissiyası (M. Aminov)na júklensin.

6. Sheshim qabıl etilgen kúnnen baslap kúshke kiredi.