Ózbekstan Respublikası Prezidentiniń 2024-jıl 5-yanvardaǵı “Tómengi buwında suw resrursların basqarıw sistemasın jetilistiriw hámde suw resurslarınan paydalanıwdıń nátiyjeliligin asırıw is-ilajları haqqında”ǵı PQ-5-sanlı qararı, sonday-aq Shımbay rayonı “Suw jetkerip beriw xızmeti” mámleketlik mákemesiniń 2025-jıl 20-sentyabr kúngi Shımbay rayonında 2025-2026 jıllardıń gúz-qıs dáwirinde awıl xojalıǵı egislik maydanları shor juwıw ushın suw alıw limitlerin tastıyıqlaw haqqındaǵı 12-16115-sanlı usınısı xatın qarap shıǵıp hám de Qaraqalpaqstan Respublikası «Jergilikli mámleketlik hákimiyat haqqında»ǵı Nızamınıń 21-statyasına muwapıq Xalıq deputatları Shımbay rayonlıq Keńesi sheshim etedi:

1. Ózbekstan Respublikası Prezidentiniń 2024-jıl 5-yanvardaǵı “Tómengi buwında suw resrursların basqarıw sistemasın jetilistiriw hámde suw resurslarınan paydalanıwdıń nátiyjeliligin asırıw is-ilajları haqqında”ǵı PQ-5-sanlı qararınıń 7-bántindegi berilgen wazıypalar orınlaw ushın basshılıqqa alınsın.

2. Shımbay rayonında 2025-2026 jılları gúz-qıs dáwirinde awıl xojalıǵı egislik maydanları shor juwıw ushın suw alıw limitlerine belgilengen tártipte ózgeris kiritilsin hám qosımshaǵa muwapıq tastıyıqlansın.

3. Shımbay rayonı “Suw jetkerip beriw xızmeti” mámleketlik mákemesi (R. Qudaybergenov), Shımbay rayonı Fermerler, diyqan xojalıǵı hám qıytaq jer iyeleri keńesi (A. Bazarbaev), tiyisli mákeme hám shólkemler menen birgelikte:

Ózbekstan Respublikası Prezidentiniń 2024-jıl 5-yanvardaǵı PQ-5-sanlı qararına tiykar 2025-2026 jıllardıń gúz-qıs dáwirinde awıl xojalıǵı eginlerin suwǵarıw hám shor juwıw ushın ajıratılǵan limitleri tiykarında fermer xojalıqlarına belgilengen tártipte suwdı retlestirip jetkerip beriw boyınsha zárúr ilajlar belgilesin.

4. Usı sheshimniń orınlanıwın qadaǵalaw Shımbay rayonı hákiminiń awıl hám suw xojalıǵı máseleleri boyınsha orınbasarı D. Ubbiniyazov hám de Xalıq deputatları Shımbay rayonlıq Keńesiniń Agrar, suw xojalıǵı máseleleri hám ekologiya boyınsha turaqlı komissiyası (A. Turǵanbaev)na júklensin.

5. Usı sheshim rásmiy túrde járiyalanǵan kúnnen baslap kúshke kiredi.