“Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-sonli qaror ijrosini taʼminlash yuzasidan

Oʻzbekiston Respublikasi Prezidentining 2025-yil 26-dekabrdagi “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-sonli qarori ijrosini taʼminlash yuzasidan, hududlarning iqtisodiy va ijtimoiy rivojlanish surʼatlarini jadallashtirish, tuman hokimligining dolzarb muammolarga tez yechim topish borasidagi vakolatlari va moliyaviy imkoniyatlarini kengaytirish maqsadida, xalq deputatlari tuman Kengashi deputatlarinining takliflarini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 24-moddasiga asosan xalq deputatlari tuman Kengashi, qaror qiladi:

1. Oʻzbekiston Respublikasi Prezidentining 2025-yil 26-dekabrdagi “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-sonli qarori ijro uchun qabul qilinsin.

2. Oʻzbekiston Respublikasi Prezidentining 2025-yil 26-dekabrdagi PQ-387-sonli qarorining 2.(v)-bandiga asosan Konimex tumani hududida alkogol mahsulotlarini (bundan pivo mustasno) realizatsiya qilish huquqi uchun hamda umumiy ovqatlanish korxonalari tomonidan alkogol mahsulotlarini (bundan pivo mustasno) realizatsiya qilish huquqi uchun yigʻimlarning cheklangan stavkalari 20 foizga oshirilsin va yigʻimlarning cheklangan stavkalari ilovaga muvofiq tasdiqlansin.

3. Konimex tuman Davlat soliq inspeksiyasi (A.Roʻzimuratov) mazkur yigʻimlar boyicha 2026-yil mahalliy byudjet tushumlarini qayta hisob-kitob qilish va tegishli oʻzgartirishlarni kiritish ishlarini amalga oshirsin.

4. Tuman hokimligining axborot xizmati (A.Neʼmatov), “Кенимех таны” gazetasi tahririyati bilan hamkorlikda, amalga oshirilgan ishlarni ommaviy axborot vositalarida yoritib borish tavsiya etilsin.

5. Ushbu qaror rasmiy eʼlon qilingan kundan eʼtiboran uch oy muddatdan keyin kuchga kiradi.

6. Ushbu qarorning ijrosini taʼminlash, tuman hokimining birinchi oʻrinbosari (E.Hazratqulov), qarorning bajarilishini nazorat qilish, xalq deputatlari tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (Ye.Tashbenbetov) zimmalariga yuklansin.