Oʻzbekiston Respublikasining 2025-yil 25-dekabrdagi “2026-yil uchun Oʻzbekiston Respublikasining Davlat byudjeti toʻgʻrisida”gi OʻRQ-1105-son Qonuni, Oʻzbekiston Respublikasi Prezidentining 2025-yil 26-dekabrdagi “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-son qarori ijrosini taʼminlash maqsadida, shuningdek, Oʻzbekiston “Adolat” sotsial-demokratik partiyasi Navoiy shahar deputatlik guruhining 2026-yil 10-fevraldagi 03-sonli taklif xatini inobatga olib, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 24-moddasiga muvofiq xalq deputatlari shahar Kengashi qaror qiladi:

1. Oʻzbekiston Respublikasi Prezidentining 2025-yil 26-dekabrdagi “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-son Qarorining 2-xatboshisi “v” bandida xalq deputatlari tuman (shahar) Kengashlariga “alkogol mahsulotlari”ni (bundan pivo mustasno) realizatsiya qilish huquqi hamda umumiy ovqatlanish korxonalari tomonidan “alkogol mahsulotlari”ni (bundan pivo mustasno) realizatsiya qilish uchun yigʻimlarning cheklangan stavkalarini 20 foizgacha oshirish vakolati berilganligi maʼlumot uchun qabul qilinsin.

2. Navoiy shahar hududida 2026-yil uchun “alkogol mahsulotlari”ni (bundan pivo mustasno) realizatsiya qilish huquqi hamda umumiy ovqatlanish korxonalari tomonidan “alkogol mahsulotlari”ni (bundan pivo mustasno) realizatsiya qilish uchun yigʻimlarning cheklangan stavkalarini oshirish masalasi yuzasidan, qonunchilikda belgilangan 20 foizgacha oshirish vakolati doirasida, xalq deputatlari shahar Kengashi deputatlari tomonidan bildirilgan 20 foizgacha oshirish taklifi maʼqullanganligi inobatga olinsin.

3. 2026-yil uchun Navoiy shahar hududida “alkogol mahsulotlari”ni (bundan pivo mustasno) realizatsiya qilish huquqi hamda umumiy ovqatlanish korxonalari tomonidan “alkogol mahsulotlari”ni (bundan pivo mustasno) realizatsiya qilish uchun yigʻimlarning miqdorlari ilovaga muvofiq tasdiqlansin.

4. Navoiy shahar hokimining birinchi oʻrinbosari (Oʻ. Haqberdiyev), Navoiy shahar Iqtisodiyot va moliya boʻlimi boshligʻining oʻrinbosari (N. Tuxtayev), Navoiy shahar Davlat soliq inspeksiyasi (F. Ergashev) bilan birgalikda mazkur qarorning oʻz vaqtida va samarali bajarilishini taʼminlash choralarini koʻrsin.

5. Ushbu qaror “Doʻstlik bayrogʻ” va “Znamya drujbi” gazetasida rasmiy eʼlon qilinsin hamda shahar hokimligining rasmiy veb-saytiga joylashtirilsin.

6. Mazkur qarorning ijrosini nazorat qilish xalq deputatlari Navoiy shahar Kengashining Mahalliy byudjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (A. Mirzayev) hamda Navoiy shahar hokimining birinchi oʻrinbosari (Oʻ. Haqberdiyev) zimmasiga yuklatilsin.

7. Mazkur qaror qabul qilingan kundan eʼtiboran 3 oydan keyin kuchga kiradi.