Oʻzbekiston Respublikasining 2025-yil 30-dekabr kunida qabul qilingan “Mahalliy davlat hokimyati organlari faoliyati takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi OʻRQ-1109-sonli Qonuni, Oʻzbekiston Respublikasi Prezidentining 2023-yil-25-dekabrdagi “2024-2026-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida”gi PQ-404-sonli qarori hamda tuman Maktabgacha va maktab taʼlimi boʻlimining 2026-yil 24-martdagi 01-295-sonli xatlarini inobatga olib, Oʻzbekiston Respublikasining 2019-yil 16-dekabrdagi “Maktabgacha taʼlim va tarbiya toʻgʻrisida”gi OʻRQ-595-sonli Qonunining 13-moddasi va Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6-, va 24-moddalariga asosan xalq deputatlari tuman Kengashi qaror qiladi:

1. Tuman maktabgacha va maktab taʼlimi boʻlimining 2026-yil 24-martdagi 01-295-sonli xati inobatga olinsin va ijroga qaratilsin.

2. Sharof Rashidov tumani “Madaniyat” MFY hududi aholisi murojaatlari, hududda maktabgacha yoshdagi bolalarni sifatli maktabgacha taʼlim bilan qamrab olish darajasini oshirish zarurati hamda Oʻzbekiston Respublikasi Maktabgacha va maktab taʼlimi vazirligining 2026-yil 27-yanvardagi 02-22-352-sonli xatini inobatga olib, mazkur hududda 120 oʻrinli 30-sonli davlat maktabgacha taʼlim tashkiloti tashkil etilsin.

3. Tuman maktabgacha va maktab taʼlimi boʻlimi boshligʻi D. Sadriddinovaga quyidagi vazifalar yuklatilsin:

tashkil etilayotgan 30-sonli davlat maktabgacha taʼlim tashkilotini belgilangan tartibda davlat roʻyxatidan oʻtkazish;

tashkilot binosini davlat kadastr organlarida roʻyxatdan oʻtkazish choralarini koʻrish;

muassasani yuridik shaxs sifatida tashkil etish (guvohnoma olish), soliq organlarida roʻyxatdan oʻtkazish (INN olish);

“UzASBO” dasturiy majmuasida tegishli hisob raqamlarini ochish;

tashkilot ustavini tasdiqlash va davlat xizmatlari markazida roʻyxatdan oʻtkazish;

muhr va shtamp tayyorlash;

tarbiyalanuvchilarni “bbit.uz” platformasi orqali qabul qilishni yoʻlga qoʻyish.

4. Tuman iqtisodiyot va moliya boʻlimi (I. Nazarov)ga:

yangi tashkil etilayotgan muassasa uchun shtatlar jadvali va xarajatlar smetasini tasdiqlash;

faoliyatni boshlash uchun zarur mablagʻlarni ajratish vazifasi yuklatilsin.

5. Tuman gʻaznachilik boʻlimi (Sh. Abdumoʻminov)ga muassasa uchun hisob raqami ochish topshirilsin.

6. Tuman soliq inspeksiyasi (M. Tursunmuratov)ga muassasani soliq organlarida roʻyxatdan oʻtkazish vazifasi yuklatilsin.

7. Tuman tibbiyot birlashmasi (B. Donaboyev) hamda sanitariya-epidemiologik osoyishtalik markazi (Q.Sunatov)ga:

muassasani tibbiyot xodimi bilan taʼminlash;

zarur tibbiy jihozlar va dori vositalari bilan taʼminlash;

xodimlarni tibbiy koʻrikdan oʻtkazish va xulosalar berish vazifasi yuklatilsin.

8. Mazkur qaror rasmiy eʼlon qilingan kundan eʼtiboran kuchga kiradi.

9. Mazkur qaror ijrosini taʼminlash tuman hokimining yoshlar siyosati, ijtimoiy rivolantirish va maʼnaviy-maʼrifiy ishlar boʻyicha oʻrinbosari O. Meliboyev va tuman maktabgacha va maktab taʼlim boʻlimi mudiri D. Sadriddinovalar zimmasiga yuklatilsin.

10 Qaror ijrosini nazorat qilish xalq deputatlari tuman Kengashining ijtimoiy soha, yoshlar siyosati, madaniyat va sport masalalari boʻyicha doimiy komissiyasi (N. Asqarova) zimmasiga yuklatilsin.