Oʻzbekiston Respublikasi Oliy Majlisi Qonunchilik palatasining 2025-yildagi faoliyati yakunlariga koʻra qonun hujjatlarini takomillashtirishda, qonunlarni targʻib qilishda, aholining huquqiy ongini va madaniyatini yuksaltirishda faol ishtirok etganligi, huquqni qoʻllash amaliyotini oʻrganish ishiga oʻzining munosib hissasini qoʻshganligi inobatga olinib, shuningdek Oʻzbekiston Respublikasi Oliy Majlisi Qonunchilik palatasi deputatlarini va Devoni xodimlarini maʼnaviy va moddiy ragʻbatlantirish boʻyicha komissiya tavsiyasiga muvofiq Qonunchilik palatasining Kengashi kiritgan taklifga asosan Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasining deputati Ravshan Aminaddinovich Mamutovga «Adolatli deputat» maqomi berilsin.

2. Oʻzbekiston Respublikasi Oliy Majlisi Qonunchilik palatasining deputati R.A. Mamutovga «Adolatli deputat» guvohnomasi hamda bazaviy hisoblash miqdorining besh baravari miqdorida bir martalik pul mukofoti berilsin.

3. Tadbirkorlar va ishbilarmonlar harakati — Oʻzbekiston Liberal-demokratik partiyasiga R.A. Mamutovni Oʻzbekiston Respublikasi Oliy Majlisi Qonunchilik palatasiga boʻlib oʻtadigan keyingi saylovlarda deputatlikka nomzod sifatida koʻrsatish tavsiya etilsin.

4. Ushbu Qaror qabul qilingan kundan eʼtiboran kuchga kiradi.