Oʻzbekiston Respublikasi Prezidentining 2025-yil 26-dekabrdagi “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-sonli qarori 8-bandida 2026-yil 1-yanvardan boshlab obodonlashtirish boshqarmalari tomonidan tuman (shahar)lar markaziy koʻchalari boʻyidagi tadbirkorlik subʼektlari bilan tuzilgan shartnoma asosida chiqindilarni olib chiqish va hududlarni obodonlashtirish xizmatini koʻrsatishga ruxsat berilishi, bunda chiqindilarni olib chiqish va hududlarni obodonlashtirish xizmatini koʻrsatganlik boʻyicha tariflar tuman (shahar)lar hokimliklari tomonidan xalq deputatlari tuman (shahar)lar Kengashlariga koʻrib chiqish va tasdiqlash uchun kiritilishi belgilab qoʻyilgan. Tuman hokimi oʻrinbosari Oʻ.Mamadaliyevning tuman markazidagi tadbirkorlik subʼetlaridan chiqindilarni olib chiqish va hududlarni obodonlashtirish xizmatini koʻrsatganlik boʻyicha tariflar toʻgʻrisidagi hisoboti tinglanib, deputatlar tomonidan bildirilgan fikr va mulohazalardan kelib chiqib, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6-, va 24-moddalariga muvofiq xalq deputatlari Uzun tuman Kengashi qaror qiladi:

1. Tuman hokimi oʻrinbosari Oʻ.Mamadaliyevning tuman markazidagi tadbirkorlik subʼetlaridan chiqindilarni olib chiqish va hududlarni obodonlashtirish xizmatini koʻrsatganlik boʻyicha tariflar toʻgʻrisidagi hisoboti va tuman obodonlashtirish boshqarmasining 2026-yil 21-fevraldagi 03-03/53-sonli xati maʼlumot uchun qabul qilinsin.

2. Oʻzbekiston Respublikasi Prezidentining 2025-yil 26-dekabrdagi PQ-387-sonli qarorining 8.(a) bandiga asosan Uzun tumani Obodonlashtirish boshqarmasi tomonidan tuman markaziy koʻchalari boʻyidagi tadbirkorlik subʼyektlari bilan tuzilgan shartnoma asosida chiqindilarni olib chiqish va hududlarni obodonlashtirish xizmatini koʻrsatish boʻyicha tariflar 1-ilovaga muvofiq, supurish va tozalash ishlari hamda oʻsimliklarni ekish va ularni parvarish qilish 2-ilovaga muvofiq tasdiqlansin.

3. Tuman hokimining oʻrinbosari (Oʻ.Mamadaliyev), tuman Obodonlashtirish Boshqarmasi (lavozimiga koʻra)lar:

tuman markaziy koʻchalari boʻyidagi tadbirkorlik subʼyektlari bilan tuzilgan shartnoma asosida chiqindilarni olib chiqish va hududlarni obodonlashtirish xizmatini koʻrsatish boʻyicha taqdim etgan tariflari amaldagi qonunchilikda belgilangan tartibda tuzilganligiga shaxsan masʼul ekanligi belgilansin. Shuningdek, ushbu tariflar toʻgʻrisida mahalla fuqarolar yigʻinlari yettiligi bilan hamkorlikda aholi va tadbirkorlak subʼektlariga tushuntirish va targʻibot ishlarini olib borsin.

aholi va tadbirkorlik subʼektlari tomonidan belgilangan tariflar boʻyicha eʼtirozlar tugʻilganida, shu bilan birgalikda, zarurat tugʻilganida tariflarni qayta koʻrib chiqish uchun tuman Kengashiga kiritilishi belgilansin.

4. Yuqoridagi vazifalar ijrosi yuzasidan mutasaddi rahbarlar tomonidan har chorak yakuni bilan xalq deputatlari tuman Kengashiga maʼlumotlar taqdim etib borilsin.

5. Mazkur qarorni ijrosini taʼminlash tuman hokimining oʻrinbosari (Oʻ.Mamadaliyev)ga, nazorat qilish xalq deputatlari tuman Kengashining Mahalliy byudjet, tadbirkorlikni rivojlantirish va iqtisodiy islohotlar masalalari boʻyicha doimiy komissiya (A.Kamolov) zimmalariga yuklatilsin.