Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6, 24-moddalari, Byudjet kodeksining 27, 99-moddalari, “2026-yil uchun Oʻzbekiston Respublikasining Davlat byudjeti toʻgʻrisida”gi 2025-yil 25-dekabrdagi OʻRQ-1105-son qonuniga va Xalq deputatlari Toshkent viloyat Kengashining 2025-yil 29-dekabrdagi VII-26-162-10-0-K/25-son qaroriga muvofiq hamda Qibray tumani Iqtisodiyot va moliya boʻlimining 2025-yil 6-noyabrdagi 2-4-1161-sonli xatini inobatga olib, Xalq deputatlari Qibray tuman Kengashi, qaror qiladi:

1. Oʻzbekiston Respublikasining 2025-yil 26-dekabrdagi “2026-yil uchun Oʻzbekiston Respublikasining Davlat byudjeti toʻgʻrisida”gi OʻRQ-1105-son Qonuni, Xalq deputatlari Toshkent viloyati Kengashining 2025-yil 29-dekabrdagi “Toshkent viloyatining 2026-yilgi mahalliy byudjetini tasdiqlash toʻgʻrisida”gi VII-26-162-10-0-K/25-sonli qarori (keyingi oʻrinlarda qaror deb yuritiladi) rahbarlik va ijro uchun qabul qilinsin.

2. Mazkur qarorga muvofiq, Qibray tumani mahalliy byudjetining 2026-yil uchun daromadlar rejasi — 136 409 990 ming soʻm va xarajatlari — 136 409 990 ming soʻm etib maʼlumot uchun qabul qilinganligi, shuningdek, tumani mahalliy byudjetining shaxsiy gʻazna hisobvaragʻida turgan byudjet mablagʻlarining yoʻl qoʻyiladigan eng kam miqdori 622 965,0ming soʻm etib belgilanganligi inobatga olinsin.

3. Quyidagilar:

Qibray tumani mahalliy byudjeti daromadlarining 2026-yil uchun asosiy prognoz koʻrsatkichlari 1-ilovaga;

Qibray tumani mahalliy byudjetidan 2026-yilda hududiy byudjet mablagʻlarini taqsimlovchilarga ajratiladigan xarajatlarning umumiy cheklangan miqdorlari 2-ilovaga;

Qibray tumani byudjetiga umumdavlat soliqlari va boshqa soliqsiz tushumlardan ajratmalar meʼyorlari 3-ilovaga muvofiq tasdiqlansin.

4. Tuman mahalliy byudjeti zaxira jamgʻarmasi hajmi 2026-yil uchun 1 758 098 ming soʻm miqdorida belgilansin. Bunda, zaxira jamgʻarmasi mablagʻlarini amaldagi byudjet qonunchiligiga muvofiq, byudjet tizimi byudjetlari shakllantirilayotganda oldindan nazarda tutib boʻlmaydigan xarajatlarni, shuningdek ijtimoiy-iqtisodiy beqarorlik yuzaga kelgan vaziyatlarda amalga oshirilishi zarur boʻlgan tadbirlarni moliyalashtirish uchun yoʻnaltirilishi taʼminlansin.

5. Tuman hokimining birinchi oʻrinbosari U. Botirov, tuman Iqtisodiyot va moliya boʻlimi (I. Xolmurodov), Davlat soliq inspeksiyasi tuman boʻlimi (Y. Artikbayev) bilan birgalikda 2026-yil mahalliy byudjeti uchun belgilangan koʻrsatkichlarni oʻz vaqtida va samarali bajarilishini taʼminlash choralarini koʻrsinlar.

6. Hududiy byudjet mablagʻlarini taqsimlovchilar byudjetdan ajratilgan mablagʻlardan maqsadli va samarali foydalanilishi, xususan ish haqi va unga tenglashtirilgan toʻlovlar, shuningdek oziq-ovqat, dori-darmon, kommunal xizmatlar va davlat dasturlari uchun belgilangan xarajatlarni birinchi navbatda toʻliq rejalashtirilishi va oʻz vaqtida toʻlanilishi hamda davriy jamlanma moliyaviy hisobotlarni toʻgʻri shakllantirilishi va oʻz vaqtida taqdim etilishini taʼminlasin.

7. Tuman mahalliy byudjetidan moliyalashtiriluvchi tashkilotlarning kommunal xizmatlardan ajratilgan limitlar doirasida foydalanishi, kommunal xizmatlardan qarzdorlik vujudga kelgan taqdirda mazkur qarzdorliklar byudjet tashkilotlarining byudjetdan tashqari mablagʻlari hisobidan bartaraf qilinishi, qarzdorliklar oʻz vaqtida bartaraf etilmagan hollarda byudjet tashkilotlari rahbarlariga va masʼul xodimlariga qonunchilikda belgilangan tartibda tegishli choralar koʼrilishi taʼminlansin.

8. Mahalliy soliqlar va boshqa majburiy toʻlovlarning stavkalarini qonunchilikda belgilangan miqdorlar doirasida:

suv resurslaridan foydalanganlik uchun soliq stavkalariga qoʻllaniladigan koeffitsiyentlar 4-ilovaga;

noruda qurilish materiallari uchun (sementdan tashqari) belgilangan qatʼiy stavkalariga qoʻllaniladigan koeffitsiyentlar haqida maʼlumot 5-ilovaga;

Yuridik shaxslar boʻyicha mol-mulk soliqlari uchun qoʻllaniladigan (minimal qiymat) mutloq miqdorlari 6-ilovaga;

Qishloq xoʻjaligiga moʻljallangan yerlar stavkalari uchun 2026-yilda belgilangan koeffitsiyentlar 7-ilovaga;

Qishloq xoʻjaligi uchun moʻljallanmagan yerlar yuridik shaxslar boʻyicha mutlaq miqdorda 1 gektar yer uchun belgilangan bazaviy soliq stavkasiga kiritilayotgan kamaytiruvchi va oshiruvchi koeffitsientlarlar jismoniy shaxslar boʻyicha (dehqon xoʻjaligini yuritish uchun berilgan qishloq xoʻjaligiga moʻljallagan yerlardan tashqari) mutlaq miqdorda 1 m² uchun belgilangan bazaviy soliq stavkalariga nisbatan kiritilayotgan kamaytiruvchi va oshiruvchi koeffitsientlar 8-ilovaga muvofiq tasdiqlansin.

Bunda, 2026-yilda soliq yukining keskin oshishiga yoʻl qoʻymaslik maqsadida, jismoniy shaxslardan olinadigan yer soligʻi summasi 2025-yil uchun hisoblangan soliq summasining 1,3 barobaridan oshmasligi lozimligi koʻrsatib oʻtilsin.

9. Davlat soliq inspeksiyasi tuman boʻlimi (Y. Artikbayev):

8-ilovada qoʻllanilgan koeffitsiyentlar va soliq stavkalari toʻgʻrisidagi maʼlumotlarni soliq toʻlovchilarga 5 kunlik muddatda yetkazish;

byudjet daromadlari koʻrsatkichlarining bajarilishini taʼminlash, soliq bazasini kengaytirish hamda iqtisodiy salohiyatini oshirish yuzasidan amalga oshirilgan ishlar toʻgʻrisida har oyning 5-sanasiga qadar Xalq deputatlari tuman Kengashiga axborot kiritib borish vazifalari yuklatilsin.

10. Qibray tumanida 2026-yil uchun mol-mulkini ijaraga beruvchi jismoniy shaxslar uchun 1 m² uchun belgilangan ijara toʻlovining:

eng kam stavkalari 9-ilovaga muvofiq tasdiqlansin.

11. Tuman iqtisodiyot va moliya boʻlimi (I. Xolmurodov), Davlat soliq inspeksiyasi tuman boʻlimi (Y. Artikbayev) belgilangan hududlarda jismoniy shaxslar, shuningdek yakka tartibdagi tadbirkorlar tomonidan toʻlanadigan jismoniy shaxslardan olinadigan daromad soliqlarini toʻliq hajmda tuman byudjetiga oʻtkazish choralarini koʻrsinlar.

12. Tuman hokimligi axborot xizmati (T. Tashxodjayev), “Qibray sadosi” gazetasi (A. Qaxxorov) mazkur qarorni tuman hokimligining rasmiy veb-sayti, ijtimoiy tarmoqlardagi sahifalari va tuman gazetasida yoritilishini taʼminlasinlar.

13. Mazkur qaror ijrosini nazorat qilish Xalq deputatlari Qibray tuman Kengashining Mahalliy byudjet, tadbirkorlikni rivojlantirish va iqtisodiy islohotlar boʻyicha doimiy komissiyasi (F. Miraxmedov) zimmasiga yuklatilsin.

14. Ushbu qаrоr qabul qilingan kundan eʼtiboran kuchga kiradi.