Oʻzbekiston Respublikasining “2026-yil uchun Oʻzbekiston Respublikasining Davlat byudjeti toʻgʻrisida” OʻRQ-1105-sonli qonuni, Byudjet kodeksining 27, 99-moddalari, hamda xalq deputatlari Toshkent viloyat Kengashining 2025-yil 29-dekabrdagi VII-26-162-10-0-K/25-son qaroriga muvofiq hamda Toshkent viloyati Iqtisodiyot va moliya bosh boshqarmasining 2025-yil 26-dekabrdagi 04/1119-sonli xatini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi qonunining 6, 24-moddalariga muvofiq, Xalq deputatlari Piskent tuman Kengashi qaror qiladi:

1. Oʻzbekiston Respublikasining “2026-yil uchun Oʻzbekiston Respublikasining Davlat byudjeti toʻgʻrisida”gi OʻRQ-1105-son qonuni hamda xalq deputatlari Toshkent viloyat Kengashining 2025-yil 29-dekabrdagi VII-26-162-10-0-K/25-son qarori (keyingi oʻrinda qaror deb yuritiladi) rahbarlik va ijro uchun qabul qilinsin.

2. Qarorga muvofiq, Piskent tuman byudjetining 2026-yilgi daromadlari 99 612,8 mln. soʻm va xarajatlari 99 612,8 mln. soʻmga maʼlumot uchun qabul qilinganligi hamda Piskent tuman byudjetining shaxsiy gʻazna hisobvaragʻida turgan byudjet mablagʻlarining yoʻl qoʻyiladigan eng kam miqdori 416,5 mln.soʻm etib belgilanganligi inobatga olinsin.

3. Tuman byudjeti daromadlarining 2026-yil uchun asosiy prognoz koʻrsatgichlari 1-ilovaga muvofiq hamda tuman byudjetidan 2026-yilga xududiy byudjet mablagʻlarini taqsimlovchilarga ajratiladigan xarajatlarning cheklangan miqdorlari 2-ilovaga muvofiq tasdiqlansin.

4. Tuman byudjeti zahira jamgʻarmasi hajmi 2026-yil uchun 1 307,0 mln.soʻm miqdorida belgilansin.

Bunda, zahira jamgʻarmasi mablagʻlarini amaldagi budjet qonunchiligiga muvofiq, budjet tizimi budjetlari shakllantirilayotganda oldindan nazarda tutib boʻlmaydigan xarajatlarni, shuningdek ijtimoiy-iqtisodiy beqarorlik yuzaga kelgan vaziyatlarda amalga oshirilishi zarur boʻlgan tadbirlarni moliyalashtirish uchun yoʻnaltirilishi taʼminlansin.

5. 2026-yil uchun tuman byudjetiga umumdavlat soliqlaridan ajratmalar meʼyori 3-ilovaga muvofiq tasdiqlansin.

6. Quyidagilar:

Qishloq xoʻjaligi uchun moʻljallanmagan yerlar uchun yuridik shaxslar boʻyicha mutlaq miqdorda 1 gektar yer uchun belgilangan bazaviy soliq stavkasiga kiritilayotgan kamaytiruvchi va oshiruvchi koeffitsientlar, Jismoniy shaxslar boʻyicha (dehqon xoʻjaligini yuritish uchun berilgan qishloq xoʻjaligiga moʻljallangan yerdan tashqari) mutloq miqdorda 1m² uchun belgilangan bazaviy soliq stavkalariga nisbatan kiritilayotgan kamaytiruvchi va oshiruvchi koeffitsientlar 4-ilovaga;

yuridik shaxslar boʻyicha mol-mulk soliqlari uchun qoʻllaniladigan mutloq miqdorlari 5-ilovaga muvofiq;

jismoniy shaxslarning mol-mulk soligʻi boʻyicha oʻrnatilgan soliq stavkalariga 0.7 dan 1.3 gacha boʻlgan kamaytiruvchi va oshiruvchi koeffitsientlar 6-ilovaga muvofiq:

Suv resurslaridan foydalanganglik uchun soliq stavkasiga 0.7 dan 1.3 gacha qoʻllaniladigan koeffitsentlar miqdori 7-ilovaga muvofiq;

Noruda qurilish materiallari uchun (sementdan tashqari) belgilangan qatʼiy stavkalariga qoʻllaniladigan koeffitsientlar miqdori 8-ilovaga muvofiq;

Qishloq xoʻjaligiga moʻljallangan yerlar boʻyicha tuman va shaharlar kesimida yerlari stavkalari uchun 2026-yilda belgilangan koeffitsientlar miqdori 9-ilovaga muvofiq;

2026-yil uchun tuman byudjeti shaxsiy gʻazna hisobvaraqlarida turgan byudjet mablagʻlarining yoʻl qoʻyiladigan eng kam miqdori 416,5 mln.soʻm 10-ilovaga muvofiq belgilansin.

7. Tuman hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari M. Miryunusov, tuman Iqtisodiyot va moliya boʻlimi (B. Soatov), tuman soliq inspeksiyasi (B. Sharopov) bilan birgalikda 2026-yil mahalliy byudjeti uchun belgilangan koʻrsatgichlarni oʻz vaqtida va samarali bajarilishini taʼminlash choralarini koʻrsin.

8. Xududiy byudjet mablagʻlarini taqsimlovchilar xar chorak yakuni bilan byudjet mablagʻlarining samarali va maqsadli sarflanganligi, xarajatlarning amaliy naijalari yuzasidan xalq deputatlari tuman Kengashiga hisobot berib borsinlar.

Bunda, xududiy byudjet mablagʻlarini taqsimlovchilar:

byudjetdan ajratilgan mablagʻlardan maqsadli va samarali foydalanish, xususan ish xaqi va unga tenglashtirilgan toʻlovlar, oziq-ovqat, dori-darmon, kommunal xizmatlar va davlat dasturlari uchun belgilangan xarajatlarni toʻliq rejalashtirilishi va oʻz vaqtida toʻlanishi;

oʻzlarining va tasarrufidagi tashkilotlarning xarajatlar smetasi va shtat jadvallari hamda daromadlar va xarajatlar smetalarining toʻgʻri tuzilishi;

byudjetdan ajratiladigan mablagʻlarningsh maqsadli sarflanishi va maqsadli indikatorlarning toʻliq bajarilishi;

tasarrufidagi tizim tashkilotlariga byudjetdan ajratiladigan mablagʻlarning toʻgʻri taqsimlanishi;

oʻz tasarrufidagi tizima byudjet intizomiga amal qilinishi ustidan nazorat qilinishini;

byudjet jarayoning ochiqligin taʼminlash maqsadida rasmiy veb-saytlarda maʼlumotlarni joyashtirib borilishini taʼminlasinla.

9. Mazkur qaror tegishli tahririyatlar va ommaviy axborot vositalarida yoritilishi tavsiya etilsin hamda tuman hokimligining rasmiy veb-saytiga joylashtirilsin.

10. Mazkur qarorning ijrosini nazorat qilish Xalq deputatlari tuman Kengashining “Mahalliy byudjet, tadbirkorlikni rivojlantirish va iqtisodiy islohotlar masalalari boʻyicha” doimiy komissiyasi (N. Ubaydullayeva) hamda tuman hokimining birinchi oʻrinbosari (M. Miryunusov) zimmalariga yuklatilsin.