Oʻzbekiston Respublikasining 2025-yil 25-dekabrdagi “2026-yil uchun Oʻzbekiston Respublikasining Davlat budjeti toʻgʻrisida” OʻRQ-1105-sonli qonuni, Budjet kodeksining 27, 99-moddalari, Xalq deputatlari Toshkent viloyat Kengashining 2025-yil 29-dekabrdagi VII-26-162-10-0-K/25-sonli qaroriga asosan Toshkent Iqtisodiyot va moliya bosh boshqarmasining 2025-yil 26-dekabrdagi 04/1135-sonli, Olmaliq shahar hokimining birinchi oʻrinbosari — Iqtisodiyot va moliya boʻlimi boshligʻi Sh.Begiyevning 2025-yil 6-noyabrdagi 01-20-404/27-01-39/276-sonli xati, Olmaliq shahar Soliq inspeksiyasi boshligʻi I. Aliyevning 2025-yil 9-dekabrdagi xatlarini inobatga olib, Xalq deputatlari Olmaliq shahar Kengashining Mahalliy budjet, tadbirkorlikni rivojlantirish, iqtisodiy islohotlar, qurilish va kommunal soha masalalari boʻyicha doimiy komissiyasining 2025-yil 10-noyabrdagi hamda 29-dekabrdagi yigʻilish bayoni va xuloasi hamda Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6 va 24-moddalariga muvofiq, Xalq deputatlari Olmaliq shahar Kengashi, qaror qiladi:

1. Oʻzbekiston Respublikasining 2025-yil 25-dekabrdagi “2026-yil uchun Oʻzbekiston Respublikasining Davlat budjeti toʻgʻrisida”gi Qonuni (keyingi oʻrinlarda qaror deb yuritiladi) hamda Xalq deputatlari Toshkent viloyat Kengashining 2025-yil 29-dekabrdagi VII-26-162-10-0-K/25-sonli qarori rahbarlik va ijro uchun qabul qilinsin.

2. Mazkur qarorning mahalliy budjetga tegishli ilovalari kiritilgan loyihasi jamoatchilik muhokamasi portalida (110632 ID), soliq stavkalari boʻyicha ilovalari kiritilgan loyiha esa (111627 ID) jamoatchilik muhokamasidan oʻtkazilganligi va har ikala loyihalar boʻyicha hech qanday eʼtiroz yoki qoʻshimcha takliflar kelib tushmaganligi koʻrsatib oʻtilsin.

3. Mazkur Qonun va qarorga muvofiq, Olmaliq shahar mahalliy budjetining 2026-yilgi daromadlari 110 015 870, ming.soʻm va xarajatlari 110 015 870,0 ming.soʻmni tashkil etganligi maʼlumot uchun qabul qilinganligi inobatga olinsin.

4. Quyidagilar:

Olmaliq shahrining shahar budjeti daromadlarining 2026-yil uchun asosiy prognoz koʻrsatkichlari 1-ilovaga;

shahar budjetidan 2026-yilda hududiy budjet mablagʻlarini taqsimlovchilarga ajratiladigan xarajatlarning cheklangan miqdorlari 2-ilovaga;

2026-yil uchun shahar budjetiga tartibga soluvchi daromadlardan ajratmalarning normativlari 3-ilovaga;

Olmaliq shahar mahalliy budjetining shaxsiy gʻazna hisobvaragʻida turgan budjet mablagʻlarining yoʻl qoʻyiladigan eng kam miqdori 483 319,0 ming.soʻm etib 4-ilovaga muvofiq belgilanganligi;

shahar budjeti zaxira jamgʻarmasi hajmi 2026-yil uchun 1 804 750,0 mln.soʻm miqdorida belgilansin.

Bunda, zaxira jamgʻarmasi mablagʻlarini amaldagi budjet qonunchiligiga muvofiq, budjet tizimi budjetlari shakllantirilayotganda oldindan nazarda tutib boʻlmaydigan xarajatlarni, shuningdek ijtimoiy-iqtisodiy beqarorlik yuzaga kelgan vaziyatlarda amalga oshirilishi zarur boʻlgan tadbirlarni moliyalashtirish uchun yoʻnaltirilishi taʼminlansin.

5. Quyidagilar:

Qishloq xoʻjaligiga moʻljallanmagan yerlar uchun shahar kesimida yer soligʻi stavkalari uchun 2026-yilda belgilangan koeffitsientlar (yuridik va jismoniy shaxslardan undiriladigan yer soligʻi stavkalari miqdorda 1 gektar noturar obyektlar uchun) 5-ilovaga;

Qishloq xoʻjaligiga moʻljallanmagan yerlar uchun shahar kesimida jismoniy shaxslar boʻyicha 1 m² uchun yer soliq stavkalariga 2026-yilda belgilangan koeffitsientlar 6-ilovaga;

yuridik shaxslar boʻyicha mol-mulk soliqlari uchun qoʻllaniladigan mutlaq miqdorlari 7-ilovaga;

jismoniy shaxslarning mol-mulk soligʻi stavkalari boʻyicha Olmaliq shahar kesimida 2026-yilga belgilangan koeffitsiyentlari 8-ilovaga;

suv resurslaridan foydalanganlik uchun soliq stavkasiga 0,7 dan 1,3 gacha qoʻllaniladigan koeffitsiyentlar miqdori 9-ilovaga;

noruda qurilish materiallari uchun (sementdan tashqari) belgilangan qatʼiy stavkalariga qoʻllaniladigan 1,3 barobargacha oshiruvchi koeffitsiyentlar miqdori 10-ilovaga;

qishloq xoʻjaligiga moʻljallangan yerlar boʻyicha shahar kesimida yerlari stavkalari kamaytiruvchi va oshiruvchi koeffitsiyentlar miqdori 11-ilovaga;

mol-mulkni ijaraga beruvchi jismoniy shaxslar uchun belgilangan ijara toʻlovining eng kam stavkalariga oshiruvchi koeffitsiyentlar miqdori 12-ilovaga;

qishloq xoʻjaligiga moʻljallanmagan yerlar boʻyicha shahar MFYlar kesimida yer soligʻi stavkalari uchun 2026-yilda belgilangan koeffitsiyentlar miqdori 13-ilovaga muvofiq tasdiqlansin.

6. Shahar hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari-Iqtisodiy taraqqiyot va kambagʻallikni qisqartirish boʻlimi boshligʻi Sh. Begiyev, shahar soliq inspeksiyasi (I. Aliyev) bilan birgalikda 2026-yil mahalliy budjeti uchun belgilangan koʻrsatkichlarni oʻz vaqtida va samarali bajarilishini taʼminlash choralarini koʻrsin.

7. Mahalliy budjet mablagʻlarini taqsimlovchilar har chorak yakuni bilan budjet mablagʻlarining samarali va maqsadli foydalanish, budjet intizomiga rioya etilishi ustidan nazorat va masʼuliyatni yanada kuchaytirish, mahalliy budjetlarga soliqlar va boshqa majburiy toʻlovlarning toʻliq tushumini taʼminlash hamda budjet daromadlar bazasini oshirish va qoʻshimcha rezervlarni aniqlash zarurligiga alohida eʼtibor qaratsin.

8. Mahalliy budjet mablagʻlarini taqsimlovchilar har chorak yakuni bilan budjet mablagʻlarining samarali va maqsadli sarflanganligi, xarajatlarning amaliy natijalari yuzasidan Xalq deputatlari Olmaliq shahar Kengashiga hisobot berib borsinlar.

Bunda, mahalliy budjet mablagʻlarini taqsimlovchilar:

budjetdan ajratilgan mablagʻlardan maqsadli va samarali foydalanish, xususan ish haqi va unga tenglashtirilgan toʻlovlar, oziq-ovqat, dori-darmon, kommunal xizmatlar va davlat dasturlari uchun belgilangan xarajatlarni toʻliq rejalashtirilishi va oʻz vaqtida toʻlanishi hamda davriy jamlanma moliyaviy hisobotlarni toʻgʻri shakllantirilishi va oʻz vaqtida taqdim etilishini;

oʻzlarining va tasarrufidagi tashkilotlarning xarajatlar smetasi va shtat jadvallari hamda daromadlar va xarajatlar smetalarining toʻgʻri tuzilishi;

budjetdan ajratilgan mablagʻlarning maqsadli sarflanishi va maqsadli indikatorlarning toʻliq bajarilishi;

tasarrufidagi tizim tashkilotlariga budjetdan ajratiladigan mablagʻlarning toʻgʻri taqsimlanishi;

oʻz tasarrufidagi tizimda budjet intizomiga amal qilinishi ustidan nazorat qilinishini;

budjet jarayonining ochiqligini taʼminlash maqsadida rasmiy veb-saytlarda maʼlumotlarni joylashtirib borilishini taʼminlasinlar.

9. Shahar soliq inspeksiyasi boʻlimi boshligʻi (I. Aliyev) Oʻzbekiston Respublikasi Soliq kodeksida belgilangan vakolatlardan kelib chiqib:

soliqlarning toʻliq va toʻgʻri hisoblanishini hamda ushbu soliqlarni oʻz vaqtida

budjetga undirilishi ustidan soliq nazoratini oʻrnatish;

yer soligʻi, suv resurslaridan foydalanganlik uchun soliq va mol-mulk soliqlari

boʻyicha doimiy tahlillar oʻtkazgan holda, soliqlarni toʻliq hisoblanishini taʼminlash hamda ushbu soliq toʻlovlari boʻyicha soliq qarzdorligiga yoʻl qoʻymaslik choralarini koʻrish;

aylanmadan soliq turi boʻyicha soliq toʻlovchilar tomonidan naqd pul aylanmalarining soliq hisobotlarida toʻliq aks ettirilishi ustidan doimiy soliq nazoratini oʻrnatish hamda zarur hollarda xronometraj va kameral soliq nazorati tadbirlarini oʻtkazish;

yer va mol-mulk soligʻining soliq bazasini oshirish, yaʼni xatlov ishlarini samarali va muntazam tashkil etib borish vazifalari yuklatilsin.

10. Xalq deputatlari Olmaliq shahar Kengashi hamda shahar hokimi Oʻzbekiston Respublikasining Budjet kodeksining 27 va 28-moddalarida belgilangan budjet sohasidagi vakolatlaridan kelib chiqib, budjetga va davlat maqsadli jamgʼarmalariga tushumlar toʻliq va oʻz vaqtida tushishi hamda budjet mablagʻlarining maqsadli sarflanishi ustidan nazorat oʻrnatsin.

11. Olmaliq shahar hokimining matbuot kotibi — Axborot siyosati masalalari boʻyicha maslahatchisi S.Boymirzayev mazkur qarorni ommaviy axborot vositalarida, jumladan mahalliy gazetalarda keng yoritilishini hamda shahar hokimligining rasmiy veb-saytiga joylashtirilishini taʼminlasin.

12. Mazkur qaror ijrosini taʼminlash Olmaliq shahar hokimining birinchi oʻrinbosari — Iqtisodiyot va moliya boʻlimi boshligʻi Sh. Begiyev bajarilishini taʼminlash shahar Iqtisodiyot va moliya boʻlimi (Sh. Abdiyev), shahar Soliq inspeksiyasi (I. Aliyev) rahbarlari zimmasiga yuklatilsin.

13. Mazkur qaror bajarilishini nazorat qilish Xalq deputatlari Olmaliq shahar Kengashining Mahalliy budjet, tadbirkorlikni rivojlantirish, iqtisodiy islohotlar, qurilish va kommunal soha masalalari boʻyicha doimiy komissiyasi raisi zimmasiga yuklatilsin.