Boʻka tumani soliq inspeksiyasi boshligʻi Sh. Xazratovning “Boʻka tumanidagi jismoniy va yuridik shaxslarning 2026-yil uchun qishloq xoʻjaligiga moʻljallanmagan yerlar uchun soliq stavkalarini belgilash toʻgʻrisida”gi hisobotini tinglab, bildirilgan, Oʻzbekiston Respublikasi Soliq kodeksining 429 va 437-moddalariga hamda Oʻzbekiston Respublikasining “Mahalliy davlat hokimiyati toʻgʻrisida”gi Qonuni 6 va 24-moddalariga muvofiq Xalq deputatlari Boʻka tumani Kengashi qaror qiladi:

1. Boʻka tumani soliq inspeksiyasi boshligʻi Sh. Xazratovning “Boʻka tumanidagi jismoniy va yuridik shaxslarning 2026-yil uchun qishloq xoʻjaligiga moʻljallanmagan yerlar uchun soliq stavkalarini belgilash toʻgʻrisida”gi hisoboti maʼlumot uchun qabul qilinsin.

2. Boʻka tumanidagi jismoniy va yuridik shaxslarning 2026-yil uchun qishloq xoʻjaligiga moʻljallanmagan yerlar uchun soliq stavkalari ilovaga muvofiq maʼqullansin.

3. Tuman Davlat soliq inspeksiyasi (Sh. Xazratov) ilovaga muvofiq belgilangan soliqlarni jismoniy va yuridik shaxslardan qonunda belgilangan tartibda undirilishini taʼminlasin.

4. Ushbu qarorning ijro etilishini taʼminlash tuman hokimining birinchi oʻrinbosari (A. Turdibayev), tuman soliq inspeksiyasi (Sh. Xazratov) hamda ijro etilishini nazorat qilish Xalq deputatlari Boʻka tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (O. Xamrayev) zimmalariga yuklatilsin.