Oʻzbekiston Respublikasining “2026-yil uchun Oʻzbekiston Respublikasining Davlat byudjeti toʻgʻrisida”gi Qonuni, Byudjet kodeksining 27 va 99-moddalari, xalq deputatlari Toshkent viloyati Kengashining “Toshkent viloyatining 2026-yilgi mahalliy byudjetini tasdiqlash toʻgʻrisida”gi qarori, Soliq Kodeksining 437-moddasiga asosan hamda Oqqoʻrgʻon tumani soliq inspeksiyasi boshligʻi Sh. Abduraxmonovning 2025-yil 19-dekabrdagi xatiga asosan, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6 va 24-moddalariga muvofiq Xalq deputatlari Oqqoʻrgʻon tumani Kengashi qaror qiladi:

1. Oqqoʻrgʻon tumani soliq inspeksiyasi boshligʻi Sh. Abduraxmonovning 2025-yil 19-dekabrdagi xati maʼlumot uchun qabul qilinsin.

2. “Qishloq xoʻjaligiga moʻljallanmagan yerlar boʻyicha tuman kesimida yer soligʻi stavkalari uchun 2026-yilda belgilangan koeffitsientlar” ilovaga asosan tasdiqlansin.

3. Mazkur qaror ijrosini taʼminlash tuman hokimining birinchi oʻrinbosari O. Oʼktamov, Oqqoʻrgʻon tumani soliq inspeksiyasi boshligʻi Sh. Abduraxmonov qaror ijrosini nazorat qilish esa Xalq deputatlari tuman Kengashining mahalliy byudjet va iqtisodiy islohotlar masalalari boʻyicha doimiy komissiyasi raisi E. Mirzayev zimmalariga yuklatilsin.