2026-yilda Olmaliq shahar boʻyicha “Alkogol mahsulotlari”ni realizatsiya qilish huquqi hamda umumiy ovqatlanish korxonalari tomonidan “Alkogol mahsulotlari”ni realizatsiya qilish uchun yigʻimlarning cheklangan stavkalarini oshirish toʻgʻrisida shahar davlat soliq inspeksiyasining 2026-yil 11-fevraldagi 14-01061-sonli murojaatiga muvofiq, Oʻzbekiston Respublikasining 2025-yil 25-dekabrdagi “2026-yil uchun Oʻzbekiston Respublikasining Davlat budjeti toʻgʻrisida”gi OʻRQ-1105-sonli Qonuni, Oʻzbekiston Respublikasi Prezidentining 2025-yil 26-dekabrdagi “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-sonli Qarorining 2-bandi (v) bandiga asosan Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6, 24-moddalariga muvofiq Xalq deputatlari Olmaliq shahar Kengashi qaror qiladi:

1. Oʻzbekiston Respublikasi Prezidentining 2025-yil 26-dekabrdagi “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qoʻshimcha chora-tadbirlar” toʻgʻrisidagi PQ-387-sonli Qarorining 2-bandi (v) bandi bilan Xalq deputatlari shahar Kengashlariga “Alkogol mahsulotlari”ni (bundan pivo mustasno) realizatsiya qilish huquqi uchun hamda umumiy ovqatlanish korxonalari tomonidan “Alkogol mahsulotlari”ni (bundan pivo mustasno) realizatsiya qilish uchun yigʻimlarning cheklangan stavkalarini 20 foizgacha oshirish vakolati berilganligi maʼlumot va ijro uchun qabul qilinsin.

2. 2026-yil uchun Olmaliq shahar hududida “Alkogol mahsulotlari”ni (bundan pivo mustasno) realizatsiya qilish huquqi hamda umumiy ovqatlanish korxonalari tomonidan “Alkogol mahsulotlari”ni (bundan pivo mustasno) realizatsiya qilish uchun yigʻimlarning miqdorlari ilovaga muvofiq tasdiqlansin.

3. Shahar hokimining birinchi oʻrinbosari shahar — Iqtisodiyot va moliya boʻlimi boshligʻi Sh.Begiyev, shahar davlat soliq inspeksiyasi I.Aliyev mazkur qarorni oʻz vaqtida va samarali bajarilishini hamda mazkur yigʻimlardan tushgan tushumlar toʻliq miqdorda shahar budjetiga yoʻnaltirilishi yuzasidan chora-tadbir belgilash choralarini koʻrish vazifasi yuklatilsin.

4. Xalq deputatlari Olmaliq shahar Kengashi deputatlariga:

“Alkogol mahsulotlari”ni (bundan pivo mustasno) realizatsiya qilish huquqi hamda umumiy ovqatlanish korxonalari tomonidan “Alkogol mahsulotlari”ni (bundan pivo mustasno) realizatsiya qilish uchun yigʻimlar boʻyicha jamoatchilik nazorati oʻrnatish tavsiya etilsin.

5. Olmaliq shahar hokimining matbuot kotibi — axborot siyosati masalalari boʻyicha maslahatchisi S. Boymirzayevga:

mazkur qarordan kelib chiqqan holda 2026-yilda alkogol mahsulotlarini (bundan pivo mustasno) realizatsiya qilish huquqi uchun hamda umumiy ovqatlanish korxonalari tomonidan alkogol mahsulotlarini realizatsiya qilish huquqi uchun yigʻimlarning cheklangan stavkalari, soliq solish tartiblari hamda boshqa ma'lumotlarni ommaviy axborot vositalarida yoritilishi hamda shahar hokimligining rasmiy veb saytiga joylashtirilishi ta'minlasin.

6. Mazkur qaror rasmiy eʼlon qilingan kundan eʼtiboran kamida uch oydan keyin kuchga kirishi belgilansin.

7. Ushbu qarorning ijrosini nazorat qilish Xalq deputatlari shahar Kengashining Mahalliy budjet, tadbirkorlikni rivojlantirish va iqtisodiy islohotlar boʻyicha doimiy komissiyasi Z. Adilov zimmasiga yuklatilsin.