Geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va moliya vazirligi huzuridagi Kadastr agentligi ekspert komissiyasining 2025-yil 21-noyabrdagi yigʻilish bayoni va bayonnoma bilan tasdiqlangan ekspert xulosasi, 2025-yil 28-noyabrdagi Toshkent viloyati hokimi Z.Mirzayevning 79-sonli komissiya yigʻilish bayoni, Kadastr agentligining 2025-yil 27-noyabrdagi 03/08-13427-sonli xati va ekspert xulosasi hamda 2025-yil 2-dekabrdagi shahar hokimi Q.Xamdamovning 01/1/2-4300-sonli taklifini inobatga olib, Oʻzbekiston Respublikasining “Geografik obyektlarning nomlari toʻgʻrisida” va “Mahalliy davlat hokimiyati toʻgʻrisida”gi qonunining 6-,24-moddalariga asosan Xalq deputatlari Olmaliq shahar Kengashi qaror qiladi:

1. Geografik obyektlarni nomlash va qayta nomlash masalalari boʻyicha shahar komissiyasi raisining oʻrinbosari A.Subxonqulovning hisoboti maʼlumot uchun qabul qilinsin.

2. Geografik obyektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish boʻyicha Oʻzbekiston Respublikasi Iqtisodiyot va moliya vazirligi huzuridagi Kadastr agentligi ekspert komissiyasining 2025-yil 21-noyabrdagi yigʻilish bayoni va bayonnoma bilan tasdiqlangan ekspert xulosasi, 2025-yil 28-noyabrdagi Toshkent viloyati hokimi Z.Mirzayevning 79-sonli komissiya yigʻilish bayoni, Kadastr agentligining 2025-yil 27-noyabrdagi 03/08-13427-sonli xati va ekspert xulosasi hamda 2025-yil 2-dekabrdagi shahar hokimi Q.Xamdamovning 01/1/2-4300-sonli taklifiga asosan qonun hujjatlariga muvofiq deb topilgan shahardagi 1 ta yangi geografik obyekt nomi roʻyxati ilovaga asosan tasdiqlansin.

3. Olmaliq shahar Davlat soliq inspeksiyasi, shahar statistika boʻlimi, Davlat xizmatlari markazi, iqtisodiyot va moliya boʻlimi, shahar ichki ishlar boʻlimi, Davlat Kadastrlari palatasi shahar filiali va tegishli mutasaddi tashkilot rahbarlariga:

ushbu qaror bilan nomlangan 1 ta yangi geografik obyekt nomini davlat roʻyxatidan oʻtkazish, ish yuritish hujjatlariga oʻzgartirish va qoʻshimchalar kiritish hamda boshqa tegishli tadbirlarni mazkur qarorga muvofiqlashtirish ishlarini amalga oshirsin;

shahar migratsiya va fuqarolikni rasmiylashtirish boʻlinmasi tomonidan fuqarolarni roʻyxatga olish va roʻyxatdan chiqarish masalalariga alohida eʼtibor qaratilsin.

4. Oʻzbekiston Respublikasi Iqtisodiyot va moliya vazirligi huzuridagi Kadastr agentligining Davlat kadastrlari palatasi Olmaliq shahar filiali (R.Safaxanov) va shahar Davlat xizmatlari markazi (J.Mavlonov )ga:

“Geografik obyektlarning nomlari toʻgʻrisida” Oʻzbekiston Respublikasining qonuni, Oʻzbekiston Respublikasi Vazirlar Mahkamasining 2012-yil 16-oktabrdagi “Geografik obyektlarning nomlari toʻgʻrisida”gi Oʻzbekiston Respublikasining qonuniga muvofiq geografik obyektlarning nomlari sohasidagi ishlarni tartibga solish chora-tadbirlari haqida”gi 295-sonli qarori ijrosini taʼminlash yuzasidan geografik obyekt nomi oʻzgartirilishi munosabati bilan aholidan belgilangan tartibda davlat boji undirmaslik choralari koʻrilsin.

5. Shahar hokimining oʻrinbosari (E.Abdurayimov), Oʻzbekiston mahallalari uyushmasi Olmaliq shahar boʻlimi (U.Pulatov), Obodonlashtirish boshqarmasi (J.Bakirov)ga 2 hafta muddatda ushbu qaror ilovasiga muvofiq tasdiqlangan roʻyxat asosidagi geografik obyekt nomlari yozilgan metall koʻrsatkich va belgilar, peshlavhalarni oʻrnatish, almashtirish va olib borilgan ishlar yuzasidan maʼlumotlarni belgilangan muddatda Geografik obyektlarni nomlash va qayta nomlash masalalari boʻyicha shahar komissiyasi (A.Subxonqulov)ga taqdim etish vazifasi yuklatilsin.

6. Shahar ichki ishlar boʻlimi (N.Sayidov) fuqarolarning xorijga chiqish, kirish uchun hujjatlarini rasmiylashtirishda geografik obyektlarni nomlariga alohida eʼtibor qaratish, tegishli hujjatlarni rasmiylashtirishda geografik obyekt nomlarini toʻgʻri yozilishini doimiy nazoratga olsin.

7. Mazkur qaror shahar gazetalarida rasman eʼlon qilinsin va hokimlikning rasmiy veb-saytiga joylashtirilsin.

8. Geografik obyektlarni nomlash va qayta nomlash masalalari boʻyicha shahar komissiyasi raisining oʻrinbosari A.Subxonqulov geografik obyektlarga nom berilganligi toʻgʻrisidagi tegishli hujjatlarni Geografik obyektlar nomlarining davlat reyestriga kiritish uchun oʻn kunlik muddatda Kadastr agentligiga taqdim etsin.

9. Ushbu qaror ijrosini nazorat qilish Xalq deputatlari shahar Kengashining Ijtimoiy soha, yoshlar siyosati, xotin-qizlar, madaniyat va sport masalalari boʻyicha doimiy komissiyasi (A.Mavlonov) zimmasiga yuklatilsin.