Ózbekstan Respublikasınıń 2025-jıl 25-dekabrdegi "2026-jıl ushın Ózbekstan Respublikasınıń Mámleketlik byudjeti haqqında"ģı ÓRQ-1105-sanlı Nızamı, Ózbekstan Respublikası Prezidentiniń 2025-jıl 26-dekabrdegi "Jergilikli byudjetler hám byudjet shólkemleriniń finanslıq turaqlılıģın arttırıw, byudjet intizamın bekkemlewge baylanıslı qosımsha ilajlar haqqında"ģı PQ-387-sanlı qararınıń orınlanıwın támiyinlew maqsetinde Ózbekstan Respublikası Nızamınıń 6 hám 24-statyalarına muwapıq xalıq deputatları Taxtakópir rayonlıq Keńesi sheshim etedi:

1. Ózbekstan Respublikası Prezidentiniń 2025-jıl 26-dekabrdegi "Jergilikli byudjetler hám byudjet shólkemleriniń finanslıq turaqlılıģın arttırıw, byudjet intizamın kúsheytiwge baylanıslı qosımsha ilajlar haqqında"ģı PQ-387-sanlı qararı menen xalıq deputatları rayonlıq Keńeslerine "Alkogol ónimlerin" (pivodan tısqarı) realizaciyalaw huqıqı ushın jáne ulıwma awqatlanıw kárxanaları tárepinen "Alkogol ónimlerin" (pivodan tısqarı) satıw ushın jıyımlardıń sheklengen stavkaların 20 procentke shekem arttırıw wákilligi berilgenligi maģlıwmat ushın qabıl etilsin.

2. 2026-jıl ushın Taxtakópir rayonı aymaģında "Alkogol ónimlerin" (pivodan tısqarı) satıw huqıqı jáne ulıwma awqatlanıw kárxanaları tárepinen "Alkogol ónimlerin" (pivodan tısqarı) satıw ushın jıyımlardıń muģdarları qosımshaģa muwapıq maqullansın.

3. Usı jıyımlardan túsken túsimler tolıq muģdarda rayon byudjetine qaratılsın.

4. Taxtakópir rayonı hákiminiń qarjı, ekonomika hám kámbaģallıqtı qısqartıw máseleleri boyınsha birinshi orınbasarı - ekonomika hám qarjı bóliminiń baslıģı (K.Dawletov), rayonlıq salıq inspekciyası (R.Danegulov) usı sheshimniń óz waqtında hám nátiyjeli orınlanıwın támiyinlew ilajların kórsin. 5. Usı sheshimniń orınlanıwın támiyinlew wazıypası rayon hákiminiń finans-ekonomika hám kámbaģallıqtı qısqartıw máseleleri boyınsha birinshi orınbasarı - ekonomika hám qarjı bóliminiń baslıģı (K.Dawletov)qa hámde sheshmniń orınlanıwın qadaģalaw xalıq deputatları rayonlıq Keńesiniń Jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyası (S.Kayrzaeva)na júklensin.

6. Rayon hákimliginiń málimleme xızmeti (N.Jarilkasinov)ne usı sheshim haqqında ģalaba xabar qurallarında járiyalaw wazıypası júklensin.

7. Usı sheshim rásmiy járiyalanģan kúnnen baslap úsh aydan keyin kúshke kiredi.