Oʻzbekiston Respublikasining 2025-yil 25-dekabrdagi “2026-yil uchun Oʻzbekiston Respublikasining Davlat budjeti toʻgʻrisida”gi OʻRQ-1105-sonli Qonuni hamda Oʻzbekiston Respublikasi Prezidentining 2025-yil 26-dekabrdagi “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-son qarori ijrosini taʼminlash, shuningdek, “Mahalliy davlat hokimiyati toʻgʻrisida”gi Qonunning 6 va 24-moddalariga muvofiq xalq deputatlari Hazorasp tumani Kengashi qaror qiladi:

1. Oʻzbekiston Respublikasining 2025-yil 25-dekabrdagi “2026-yil uchun Oʻzbekiston Respublikasining Davlat budjeti toʻgʻrisida”gi OʻRQ-1105-sonli Qonunining 9-ilovasiga muvofiq 2026-yil uchun tovarlarning ayrim turlari bilan chakana savdo qilish huquqi uchun yigʻimlarning cheklangan stavkalari tasdiqlanganligi, shuningdek Oʻzbekiston Respublikasi Prezidentining PQ-387-son qarorining 2-band “v” kichik bandiga asosan xalq deputatlari tuman va shahar Kengashlariga alkogol mahsulotlarini (bundan pivo mustasno) realizatsiya qilish huquqi uchun hamda umumiy ovqatlanish korxonalari tomonidan alkogol mahsulotlarini (bundan pivo mustasno) realizatsiya qilish huquqi uchun yigʻimlarning cheklangan stavkalarini 20 foizgacha oshirish vakolati berilganligi hamda ushbu yigʻimlardan tushadigan mablagʻlar toʻliq hajmda tegishli tuman (shahar) budjetlariga yoʻnaltirilishi belgilanganligi maʼlumot uchun qabul qilinsin.

2. 2026-yil uchun Hazorasp tumani hududida alkogol mahsulotlarini (bundan pivo mustasno) realizatsiya qilish huquqi hamda umumiy ovqatlanish korxonalari tomonidan alkogol mahsulotlarini (bundan pivo mustasno) realizatsiya qilish huquqi uchun yigʻim stavkalariga kiritiladigan oʻzgartirishlar ilovaga muvofiq tasdiqlansin.

3. Hazorasp tumani hokimining birinchi oʻrinbosari J. Roʻzimov tuman davlat soliq inspeksiyasi (J. Allayrov) bilan birgalikda mazkur qarorning oʻz vaqtida va samarali ijrosini taʼminlash choralarini koʻrsin.

4. Tuman hokimligi axborot xizmati rahbari J. Usmonova “Hazoraspnoma” gazetasi hamda tuman hokimligi bosh yuriskonsulti B.Matyoqubov bilan hamkorlikda:

mazkur qarorni tuman hokimligining rasmiy veb-saytiga joylashtirsin;

ommaviy axborot vositalarida, jumladan “Hazoraspnoma” gazetasida rasmiy eʼlon qilinishini taʼminlasin.

5. Mazkur qaror rasmiy eʼlon qilingan kundan eʼtiboran kamida uch oydan keyin kuchga kiradi.

6. Mazkur qarorning ijrosini nazorat qilish xalq deputatlari tuman Kengashining “Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiya” raisi Q. Nazarov zimmasiga yuklatilsin.