Oʻzbekiston Respublikasi “Taʼlim toʻgʻrisida”gi Qonunining 27-moddasi, Oʻzbekiston Respublikasi Vazirlar Mahkamasining 2017-yil 15-martdagi 140-sonli “Umumiy oʻrta taʼlim toʻgʻrisida”gi Nizomning 39-bandiga asosan shaharda maktab yoshidagi bolalarni umumiy oʻrta taʼlimga qamrab olish jarayonida umumtaʼlim muassasalariga biriktirilgan hududlar (mikrohudud)ni aniq belgilab olish maqsadida hamda Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6, 21¹-moddalariga asosan qaror qilaman:

1. Shahrisabz shahrida maktab yoshidagi bolalarni umumiy oʻrta taʼlimga toʻliq qamrab olish boʻyicha umumtaʼlim muassasalariga biriktirilgan hududlar (mikrohudud) roʻyxati 1-ilovaga asosan tasdiqlansin.

2. Shahar hokimining oʻrinbosari (A. Sultonov), shahar maktabgacha va maktab taʼlimi boʻlimi (Sh. Islomov), shuningdek, shahardagi barcha umumtaʼlim maktablari direktorlari (lavozimiga koʻra) ga:

maktab yoshidagi bolalarni umumiy oʻrta taʼlimga toʻliq qamrab olish;

oʻquvchilarning darslarga qatnashish holati yuzasidan monitoring olib borish;

aniqlangan muammolarni bartaraf etish boʻyicha zarur choralarni koʻrish vazifasi yuklatilsin.

3. Shahardagi umumiy oʻrta taʼlim maktablari direktorlari oʻzlari rahbarlik qilayotgan taʼlim muassasasiga biriktirilgan hududda maktab yoshidagi bolalarni oʻz vaqtida umumtaʼlim muassasasiga oʻqishga jalb qilish uchun masʼul hisoblansin.

4. Mazkur qaror ommaviy axborot vositalarida eʼlon qilinsin va hokimlikning rasmiy veb-saytiga joylashtirilsin.

5. Ushbu qaror rasman eʼlon qilingan kundan eʼtiboran kuchga kiradi.

6. Ushbu yoʻnalishda qabul qilingan shahar hokimining 2025-yil 12-maydagi 91-4-209-Q/25-sonli qarori oʻz kuchini yoʻqotgan deb hisoblansin.

7. Mazkur qaror ijrosini nazorat qilish shahar hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari A.Sultonov zimmasiga yuklatilsin.