Oʻzbekiston Respublikasi Soliq kodeksining 429 va 437-moddalari, Oʻzbekiston Respublikasi Soliq qoʻmitasining 2025-yil 12-noyabrdagi 24-127593-sonli hamda Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6 va 24-moddalariga asosan xalq deputatlari Shahrisabz tuman Kengashi qaror qiladi:

1. O'zbekiston Respublikasi Soliq qo'mitasining 2025-yil 12-noyabrdagi 24-127593-sonli xati, Qashqadaryo viloyati hokimining “Qashqadaryo viloyatida yuridik va jismoniy shaxslarning qishloq xoʻjaligiga moʻljallanmagan yerlariga 2026-yil uchun yer soligʻi stavkalarini belgilash haqida”gi qaror loyihasi maʼlumot va ijro uchun qabul qilinsin.

2. Shahrisabz tumanidagi mahallalarning iqtisodiy salohiyati va rivojlanishiga qarab, 2026-yilda yuridik va jismoniy shaxslar uchun belgilangan yer soligʻi bazaviy stavkalariga qoʻllaniladigan koeffitsiyentlar miqdorlari 1-ilovaga muvofiq tasdiqlansin.

Bunda, yer soligʻining amaldagi stavkalari 1-0,7 baravarga indeksatsiya qilinishi inobatga olinsin.

3. Shahrisabz tumani bo`yicha 2026-yilda Yer qaʼridan foydalanganlik uchun soliq stavkalari 2-ilovaga muvofiq tasdiqlansin.

4. Shahrisabz tumani boʻyicha 2026-yilda Suv resurslaridan foydalanganlik uchun soliq stavkalari 3-ilovaga muvofiq tasdiqlansin.

5. Xalq deputatlari Kengashi tomonidan belgilangan Shahrisabz tuman boʻyicha Soliq kodeksida belgilangan yer soligʻi stavkalarida (yuridik va jismoniy shaxslarning) qishloq xoʻjaligiga moʻljallanmagan yerlar uchun, ularning hududlarida joylashgan mahallalar kesimida 0,7 dan 3,0 gacha kamaytiruvchi va oshiruvchi koyeffitsiyentlarni kiritish vakolati inobatga olinsin.

6. Xalq deputatlari Shahrisabz tuman Kengashining 2025-yil 17-yanvardagi “Shahrisabz tuman yuridik va jismoniy shaxslarning qishloq xoʻjaligiga moʻljallanmagan yerlariga 2025-yil uchun yer soligʻi stavkalarini belgilash toʻgʻrisida”gi VII-4-2-4-67-K/25-sonli qarorlari oʻz kuchini yoʻqotgan deb hisoblansin.

7. Mazkur qarorning “e-qaror.gov.uz” elektron tizimi orqali manfaatdor tomonlarga yetib borishi inobatga olinsin.

8. Mazkur qaror ommaviy axborot vositalarida eʼlon qilinsin hamda hokimlikning rasmiy veb-saytiga joylashtirilsin.

9. Mazkur qaror rasman eʼlon qilingan kundan boshlab kuchga kiradi.

10. Mazkur qaror bajarilishini nazorat qilish xalq deputatlari Shahrisabz tuman KengashiningMahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi raisi A. Baratov hamda Shahrisabz tuman hokimining birinchi oʻrinbosari Gʻ. Karamanov zimmasiga yuklatilsin.