Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarorining ijrosini taʼminlash maqsadida, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6- va 24-moddalariga muvofiq xalq deputatlari tuman Kengashi qaror qiladi:

1. Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-sonli qarori ijro uchun qabul qilinsin.

2. Shofirkon tumani “Suv yetkazib berish xizmati” DM direktori F.Aminov Shofirkon tumani boʻyicha 2025-yil 1-apreldan 2025-yil 30-sentyabrga qadar vegetatsiya davrida sugʻorish ishlari uchun ajratilgan yakuniy suv limiti toʻgʻrisidagi taklifi 1- ilovaga muvofiq maʼqullansin.

3. Ushbu qarorning ijrosini nazorat qilish xalq deputatlari tuman Kengashining “Agrar, suv xoʻjaligi va ekologiya masalalari boʻyicha” doimiy komissiyasi N.Tolibov hamda tuman hokimining qishloq va suv xoʻjaligi masalalari boʻyicha oʻrinbosari D.Ramazonov zimmasiga yuklatilsin.