Oʻzbekiston Respublikasi Oliy Majlisi Qonunchilik palatasidagi siyosiy partiyalar fraksiyalarining takliflarini koʻrib chiqib, Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. 2026-yil 21-yanvar kuni Oʻzbekiston Respublikasi Oliy Majlisi Qonunchilik palatasida oʻtkaziladigan «hukumat soati»da «Mamlakatimizda investitsiya faoliyatini rivojlantirish, investorlar uchun yaratilgan shart-sharoitlar hamda hududlarda sanoat loyihalarini amalga oshirish holati toʻgʻrisida»gi masala yuzasidan Oʻzbekiston Respublikasi Oliy Majlisi Qonunchilik palatasi deputatlarining savollariga javoblarni eshitish haqidagi taklif maʼqullansin.

2. Oʻzbekiston Respublikasi Oliy Majlisi Qonunchilik palatasining Tadbirkorlik, raqobatni rivojlantirish va sanoat masalalari qoʻmitasi «hukumat soati»ga tayyorgarlik koʻrilishini hamda uning oʻtkazilishini tashkil etsin.

3. Ushbu Qaror qabul qilingan kundan eʼtiboran kuchga kiradi.