Oʻzbekiston Respublikasi Prezidentining 2022-yil 4-apreldagi PQ-190-sonli “Avtomobil yoʻllarida inson xavfsizligini ishonchli taʼminlash va oʻlim holatlarini keskin kamaytirish chora-tadbirlari toʻgʻrisida”gi qarori ijrosini taʼminlash, yoʻl-transport hodisalarining oldini olish va harakat xavfsizligini taʼminlash maqsadida, shuningdek “Mahalliy davlat hokimiyati toʻgʻrisida”gi Qonunning 5-, 6- va 21¹- moddalariga asosan qaror qilaman:

1. Forish tuman IIBning 2025-yil 20-noyabrdagi 48/42-7-4874-sonli xati maʼlumot va asos uchun qabul qilinsin.

2. Forish tuman “Qoraobdol ota” MFY “Shoxusmon” qishlogʻi hududidagi 22-sonli maktabgacha taʼlim tashkiloti roʻparasida joylashga yoʻlga yoʻl-transport hodisalarining oldini olish maqsadida sunʼiy notekislik va yoʻl belgilari oʻrnatilsin.

3. Yevroosiyo davlatlari davlat meʼyori GOST R 52605-2006 talablariga muvofiq, mazkur hududda oʻrnatiladigan sunʼiy yoʻl notekisliklarining kengligi 40 sm.dan, balandligi esa 7 sm.dan oshmasligi va ular yoʻl qatnov qismi kengligida tashkil etilishiga alohida eʼtibor qaratilsin.

4. Tuman “Obodonlashtirish” boshqarmasi (X. Joʻraqulov) va tuman ichki ishlar boʻlimi Yoʻl harakati xavfsizligi guruhi (T.Muqimov) “Qoraobdol ota” MFY fuqarolar yigʻini raisi bilan birgalikda sunʼiy yoʻl notekisliklarini yoʻl harakati xavfsizligi qoidalariga muvofiq tashkil etish boʻyicha zarur chora-tadbirlarni amalga oshirsin.

5. Tuman Iqtisodiyot va moliya boʻlimi (Sh.Uzoqov) sunʼiy yoʻl notekisliklarini tashkil etishga zarur mablagʻlarni ajratsin.

6. Mazkur qaror “Forish tongi” gazetasida eʼlon qilinsin va tuman hokimligining rasmiy veb-saytiga joylashtirilsin.

7. Ushbu qaror rasman eʼlon qilingan kundan boshlab kuchga kiradi.

8. Ushbu qaror ijrosi boʻyicha tuman hokimining oʻrinbosari F.Amirov keltirilgan maʼlumotlarning hamda unga asos boʻlgan hujjatlarning haqqoniyligi va toʻgʻriligi yuzasidan shaxsan javobgar hisoblanadi.

9. Mazkur qaror ijrosini nazorat qilish tuman hokimining oʻrinbosari F.Amirov va tuman ichki ishlar boʻlimi boshligʻi B.Naimov zimmasiga yuklatilsin.