LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
«Умумий ҳарбий мажбурият ва ҳарбий хизмат тўғрисида» Ўзбекистон Республикаси Қонунига мувофиқ ва Қуролли Кучларни техник ихтисосликларни эгаллаган ҳарбий хизматга мажбур шахслар билан таъминлаш заруриятига кўра Вазирлар Маҳкамаси қарор қилади:
1. Ўзбекистон Республикаси Мудофаа вазирлигининг 1994-1995 ўқув йилида Ўзбекистон Республикаси мудофаасига кўмаклашувчи «Ватанпарвар» ташкилоти мактабларида ва Ўзбекистон Республикаси Халқ таълими вазирлигининг ҳунар-техника ўқув юртларида Қуролли Кучлар учун умумий сони 10110 киши бўлган мутахассислар тайёрлаш тўғрисидаги таклифи қабул қилинсин.
2. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари мутахассисларни сифатли тайёрлаш учун тегишли шарт-шароитлар яратишда зарур ёрдам кўрсатсинлар ҳамда Ўзбекистон Республикаси мудофаасига кўмаклашувчи «Ватанпарвар» ташкилоти ва Халқ таълими вазирлигининг ўқув юртлари моддий базасини зарур даражада ривожлантиришни таъминласинлар.
3. Ўзбекистон Республикаси Молия вазирлиги Ўзбекистон Республикаси Қуролли Кучлари учун техник мутахассислар тайёрлаш режаси оширилганлиги муносабати билан 1994 йил октябрь ойидан бошлаб зарур маблағларни топсин.
4. «Ўзулгуржибиржасавдо» уюшмаси, «Ўздавнефтмаҳсулот» бирлашмаси ва республиканинг бошқа таъминот-сотиш ташкилотлари Қуролли Кучлар учун мутахассислар тайёрлаш режасига мувофиқ Ўзбекистон Республикаси мудофаасига кўмаклашувчи «Ватанпарвар» ташкилоти ва Халқ таълими вазирлигининг моддий-техника ресурслари бўйича буюртмалари белгиланган тартибда бажарилишини назарда тутсинлар.