Bugungi kunda ushbu qarorning amaldagi qonunchilik hujjatlari talablariga muvofiqlashtirish uchun budjet parametrlariga tegishli oʻzgartirishlar kiritish lozim.

Oʻzbekiston Respublikasi “Mahalliy davlat hokimiyati toʻgʻrisida”gi qonunining 6, 24-moddalari, Budjet kodeksining 127, 147 va 148-moddalari, “2025-yil uchun Oʻzbekiston Respublikasining Davlat budjeti toʻgʻrisida”gi qonuniga asosan xalq deputatlari Tuproqqalʼa tumani Kengashi qaror qiladi:

1. Tuproqqalʼa tumani budjetidan hududiy budjet mablagʻlarini taqsimlovchilarga ajratiladigan mablagʻlar boʻyicha 2025-yilda tasdiqlangan xarajatlar 73 mlrd. 977,0mln. soʻm boʻlib, budjet parametrlariga kiritilgan oʻzgarishlardan keyin reja 83 mlrd. 18,0 mln. soʻmni, yaʼni tasdiqlangan rejaga nisbatan 9 mlrd. 41,0 mln. soʻmga koʻp xarajatlarni tashkil qilganligi maʼlumot uchun qabul qilinsin.

2. Tuman iqtisodiyot va moliya boʻlimi (B. Atabayev)ning budjet parametrlariga qoʻshimcha oʻzgartirish kiritish yuzasidan taklifi maʼqullansin.

3. Xalq deputatlari Tuproqqalʼa tumani Kengashining 2024-yil 27-dekabrdagi “Tuproqqalʼa tumanining 2025-yilgi mahalliy budjetini tasdiqlash toʻgʻrisida”gi VII-4-023-12-218-K/24-sonli qarorining ilovalariga quyidagicha oʻzgartirishlar kiritilsin:

2025-yil uchun tuman mahalliy budjet daromadlarning reja koʻrsatkichlari 1-ilovaga;

2025-yil uchun tuman budjetidan hududiy budjet mablagʻlarini taqsimlovchilarga ajratiladigan mablagʻlarning umumiy cheklangan miqdorlari 2-ilovaga;

2025-yil uchun tuman mahalliy budjetining daromadlari va xarajatlarining chegaraviy hajmi 3-ilovaga.

4. Tuman iqtisodiyot va moliya boʻlimi (B. Atabayev)ga daromadlar va xarajatlar rejasiga tegishli oʻzgartirishlar kiritilishini belgilangan tartibda rasmiylashtirish topshirilsin.

5. Mazkur qaror rasmiy nashrlarda eʼlon qilinsin.

6. Ushbu qaror rasman eʼlon qilingan kundan kuchga kiradi.

7. Ushbu qarorning bajarilishini nazorat qilish xalq deputatlari tuman Kengashining “Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiya”si” raisi I. Qalandarov zimmasiga yuklatilsin.