Qaraqalpaqstan Respublikası Joqarģı Keńesi Prezidiumınıń 2025-jıl 29-dekabrdegi “Qaraqalpaqstan Respublikasınıń 2026-jılģı jergilikli byudjetin tastıyıqlaw tuwralı” 88/IX-sanlı qararına muwapıq, Xalıq deputatları Taxtakópir rayonlıq Keńesi Sheshim etedi:

1. Qaraqalpaqstan Respublikası Joqarģı Keńesi Prezedyumınıń 2025-jıl 29-dekabr kúngi 88/IX-sanlı “Qaraqalpaqstan Respublikasınıń 2026-jılģı jergilikli byudjetin tastıyıqlaw tuwralı” qararın basshılıqqa alıp orınlaw ushın qabıl etilsin.

2. Usı qararģa tiykarlanıp, Taxtakópir rayonı jergilikli byudjetiniń 2026-jıl ushın dáramatları 46 mlrd. 847 mln. swm, qárejetleri 80 mlrd. 768 mln. 206,0 mıń.swm prognoz qılınģanlıģı hám de respublika byudjetinen ajıratılatuģın tártipke salıwshı byudjetleraralıq transfertleri 33 mlrd. 921 mln. 206,0 mıń.swm muģdarında tastıyıqlanģanlıģı maģlıwmat ushın qabıl etilsin.

2. Taxtakópir rayonınıń dáramatlarınıń 2026-jıldaģı tiykarģı prognoz kórsetkishleri 1-qosımshaģa muwapıq, qárejetler prognozı 2-qosımshaģa muwapıq tastıyıqlansın.

3. Taxtakópir rayonı jergilikli byudjetiniń 2026-jıl ushın dáramatlar prognozı, aymaqlıq byudjet qárejetleri hám Respublika byudjetinen rayon jergilikli byudjetine ajıratılatuģın tártipke salıwshı byudjetleraralıq transfertler muģdarı 3-qosımshaģa muwapıq tastıyıqlansın.

4. Taxtakópir rayonı jergilikli byudjetiniń saqlawlı qorı muģdarı 4-qosımshaģa muwapıq belgilensin. Bunda, saqlawlı qorı qarjıların ámeldegi byudjet nızamshılıģına muwapıq, byudjet sisteması byudjetleri qáliplestirilip atırģanda aldınnan názerde tutıp bolmaytuģın qárejetlerdi, sonday-aq sociallıq-ekonomikalıq turaqsızlıq júzege kelgen jaģdaylarda ámelge asırılıwı zárúr bolģan ilajlardı qarjılandırıw ushın baģdarlanıwın támiyinlesin.

5. Taxtakópir rayonı jergilikli byudjetiniń hár aylıq saqlanıwı tiyis bolģan eń kem aylanba kassa qárejetler muģdarı 5-qosımshaģa muwapıq belgilensin.

6. Ulıwma mámleketlik salıqlardan rayon jergilikli byudjetine ajıratpalar normativleri 6-qosımshaģa muwapıq tastıyıqlansın.

7. Taxtakópir rayonlıq awıl xojalıģına mólsherlenbegen jerler ushın yuridikalıq tárepler boyınsha birdenbir muģdarda 1 gektar ushın belgilengen bazalıq salıq stavkasına kiritilip atırģan kemeyttiriwshi hám arttırıwshı koefficientleri 7-qosımshaģa, fizikalıq tárepler boyınsha (diyxan xojalıģın júritiw ushın berilgen awıl xojalıģına mólsherlengen jerlerden tısqarı) birden-bir muģdarda 1 kv.metr ushın belgilengen bazalıq salıq stavkalarına kiritilip atırģan kemeyttiriwshi hám arttırıwshı koefficientleri 8-qosımshaģa, kóshpes múlkke bolģan huquqların mámleket diziminen ótkeriwshi organlarda dizimnen ótkeriliwi lazım bolģan imarat hámqurılmalardıń 1 m2 ushın obsolyut muģdarda belgilengen minimal qunına kiritilip atırģan koefficientler 9-qosımshaģa, jer ústi hám jer astınan alınatuģın suw resursları ushın 1 m3 kólemine bazalıq salıq stavkalarına kiritilip atırģan kemeyttiriwshi hám arttırıwshı koefficientleri 10-qosımshaģa hámde naruda qurılıs materialları ushın 1 m3 qazıp alınģan kólemine bazalıq salıq stavkalarına kiritilip atırģan kemeyttiriwshi hám arttırıwshı koefficientleri 11-qosımshaģa muwapıq tastıyıqlansın.

8.Taxtakópir rayonı jergilikli byudjetiniń saqlawlı qorı muģdarı 2026-jıl 1 mlrd. 278 mln. 231,0 mıń.swm muģdarında belgilensin.

Bunda, saqlawlı qorı qarjıların ámeldegi byudjet nızamshılıģına muwapıq, byudjet sisteması byudjetleri qáliplestirilip atırģanda aldınnan názerde tutıp bolmaytuģın qárejetlerdi, sonday-aq sociallıq-ekonomikalıq turaqsızlıq júzege kelgen jaģdaylarda ámelge asırılıwı zárúr bolģan ilajlardı qarjılandırıw ushın baģdarlanıwın támiyinlesin.

9.Aymaqlıq byudjet qarjıların bólistiriwshiler hár sherek juwmaģı menen byudjet qarjlarınıń nátiyjeli hám maqsetli jumsalģanlıģı, qárejetlerdiń ámeliy nátiyjeleri boyınsha xalıq deputatlar rayon Keńesine esabat berip barsın.

Bunda, aymaqlıq byudjet qarjların bólistiriwshiler:

byudjetten ajıratılģan qarjılardan maqsetli hám nátiyjeli paydalanıw, atap aytqanda is haqı hám oģan teńlestirilgen tólemler, azıq-awqat, dári-dárman, kommunallıq xızmetler hám mámleket dástúrleri ushın belgilengen qárejetlerdi tolıq rejelestiriliwi hám óz waqıtında tóleniwi;

ózleriniń hám qaramaģındaģı shólkemlerdiń qárejetler smetası hám shtat kesteleri hám de dáramatlar hám qárejetler smetalarınıń tuwrı dúziliwi;

byudjetten ajıratılģan qarjılardıń maqsetli sarplanıwı hám maqsetli indikatorlardıń tolıq orınlanıwı;

qaramaģındaģı shólkemlerige byudjetten ajıratılatuģın qarjılardıń tuwrı bólistiriliwi;

óz qaramaģındaģı sistemada byudjet tártibine ámel etiliwi ústinen qadaģalaw isleniwin;

byudjet procesiniń ashıqlılıģın támiyinlew maqsetinde rásmiy veb-saytlarda maģlıwmatlardı jaylastırıp barıwın támiyinlesin.

10. Taxtakópirrayonı Salıq inspekciyası (R. Daneģulov), Kadastr palatası bólimi (A. Abdikarimov) yuridikalıq hám fizikalıq shaxslardıń (turaq-jay emes obyektler boyınsha) múlk salıģın esaplawda kóshpes múlklerge 1 kv.metr ushın minimal muģdarları belgilengenliginen kelipshıģıp, rayondaģı salıq tólewshilerdiń múlkleri maydanları boyınsha puxta analizlegen halda múlklerine salıqlardıń tolıq esaplanılıwın támiyinlesin.

11. Rayon hákimligi (K. Dawletov) jergilikli byudjet jámi qárejetleriniń keminde 5 payızı hám de qosımsha dáramatların 30 payızınan kem bolmaģan muģdarlarda jámiyetshilik pikiri tiykarında belgilengen ilájlardı qarjılandırıwģa jóneltiriliwin, veb-saytlarģa olardıń nátiyjelerin jayģastırıwdı támiyinlesin. Byudjet dáramatları hám qárejetleri kórsetkishleriniń orınlanıwın támiyinlew, salıq bazasın keńeytiw hám de ekonomikalıq dárejesin asırıw boyınsha zárúris-ilájlar kórip, byudjet qarjılarınan maqsetli hám nátiyjeli paydalanıwı ústinen qatań qadaģalawdı ornatıw tapsırılsın.

12. Sheshim “Taxtakópir tańı” gazetasına hám de Taxtakópir rayonı hákimliginiń arnawlı veb-saytına jayģastırılsın.

13. Usı sheshimniń orınlanıwın qadaģalaw Jergilikli byudjet, ekonomikalıq reformalardı ámelge asırıw, investiciyalar hám isbilermenlikti rawajlandırıw máseleleri boyınsha turaqlı komissiyası (S. Kayrzaeva)na, rayon hákiminiń birinshi orınbasarı K. Dawletovqa júkletilsin.