Ózbekstan Respublikasınıń Byudjet kodeksiniń 27, 99-statyaları, “Jergilikli Mámleketlik hákimiyatı haqqında”ǵı Ózbekstan Respubliksı Nızamınıń 6, 24-statyaları, “2026-jıl ushın Ózbekstan Respublikasınıń Mámleketlik byudjeti haqqında”ǵı 2025-jıl 25-dekabrdegi ÓRN-1105-sanlı Nızamı hám Qaraqalpaqstan Respublikası Joqarǵı Keńesiniń 2025-jıl 29-dekabr kúngi “Qaraqalpaqstan Respublikasınıń 2026-jılǵı mámleketlik byudjet parametrleri haqqında”ǵı 88/IX-sanlı qararına muwapıq hám Qońırat rayonı hákimligi tárepinen usınılǵan Qońırat rayonınıń 2026-jılǵı jergilikli byudjet parametrlerin kórip shıǵıp, Xalıq deputatları Qońırat rayonılıq Keńesi sheshim etedi:

1. Ózbekstan Respublikasınıń “2026-jıl ushın Ózbekstan Respublikasınıń Mámleketlik byudjeti haqqında”ǵı Nızamı hám Qaraqalpaqstan Respublikası Joqarǵı Keńesi Prezidiumınıń 2025-jıl 29-dekabrdegi 88/IX-sanlı qararı basshılıqqa alınsın hám orınlaw ushın qabıl etilsin.

2. Usı qararǵa tiykarlanıp, Qońırat rayonı jergilikli byudjetiniń 2026-jıl ushın dáramatları 132 mlrd. 809 mln. 170 mıń.swm, qárejetleri 132 mlrd. 809 mln. 170 mıń.swm prognoz qılınǵanlıǵı maǵlıwmat ushın qabıl etilsin.

3. Qońırat rayonı jergilikli byudjetleriniń 2026-jılgı tiykarǵi kórsetkishleri 1-qosımshaǵa muwapıq, qárejetler prognozı 2-qosımshaǵa muwapıq hámde rayonlıq jergilikli byudjetiniń 2026-jıl ushın dáramatlar prognozı hám aymaqlıq byudjet qárejetleri 3-qosımshaǵa muwapıq, ulıwma mámleketlik salıqlardan rayon jergilikli byudjetine ajıratpalar normativleri 4-qosımshaǵa muwapıq, rayonlıq jergilikli byudjetiniń hár aylıq saqlanıwı tiyis bolǵan eń kem aylanba kassa qárejetler muǵdarı 5-qosımshaǵa muwapıq sonıńmenen birge rayonlıq jergilikli byudjetiniń saqlawlı qorı muǵdarı 6-qosımshaǵa muwapıq tastıyıqlansın.

Bunda, saqlawlı qorı qarjıların ámeldegi byudjet nızamshılıǵına muwapıq, byudjet sisteması byudjetleri qáliplestirilip atırǵanda aldınnan názerde tutıp bolmaytuǵın qárejetlerdi, sonday-aq sociallıq-ekonomikalıq turaqsızlıq júzege kelgen jaǵdaylarda ámelge asırılıwı zárúr bolǵan ilajlardı qarjılandırıw ushın baǵdarlanıwın támiyinlesin.

4. Qońırat rayonlıq awıl xojalıǵına mólsherlenbegen jerler ushın yuridikalıq tárepler boyınsha birdenbir muǵdarda 1 gektar ushın belgilengen bazalıq salıq stavkasına kiritilip atırǵan kemeyttiriwshi hám arttırıwshı koefficientleri 7-qosımshaǵa, Fizikalıq tárepler boyınsha (diyqan xojalıǵın júritiw ushın berilgen awıl xojalıǵına mólsherlengen jerlerden tısqarı) birden-bir muǵdarda 1 kv.metr ushın belgilengen bazalıq salıq stavkalarına kiritilip atırǵan kemeyttiriwshi hám arttırıwshı koefficientleri 8-qosımshaǵa hámde kóshpes múlkke bolǵan huquqların mámleket diziminen ótkeriwshi organlarda dizimnen ótkeriliwi kerek bolǵan binalar hám imaratlardıń 1 m² ushın obsolyut (qatań) muǵdarda belgilengen minimal qunına kiritilip atırǵan koefficientler muǵdarı 9-qosımshaǵa, naruda qurılıs materialları ushın 1 m³ qazıp alınǵan kólemine bazalıq salıq stavkalarına kiritilip atırǵan kemeyttiriwshi hám arttırıwshı koefficientleri 10-qosımshaǵa, jer ústi hám jer astınan alınatuǵın suw resursları ushın 1 m³ kólemine bazalıq salıq stavkalarına kiritilip atırǵan kemeyttiriwshi hám arttırıwshı koefficientleri 11-qosımshaǵa muwapıq tastıyıqlansın.

5. Qońırat rayonı hákiminiń birinshi orınbasarı (J. Kurbaniyazov), rayonlıq Ekonomika hám qarjı bólimi (F. Djumaniyazov) hám rayonlıq Salıq inspekciyası (A. Krikbaev) menen birgelikte:

rayonnıń jergilikli byudjet dáramatlar kórsetkishlerin salıq túrleri boyınsha belgilengen rejelerin asırıp orınlanıwın támiyinlew;

Aymaqlıq byudjet qarjıların bólistiriwshiler byudjetten ajıratılǵan qarjılardan maqsetli hám nátiyjeli paydalanıw, atap aytqanda, is haqı hám oǵan teńlestirilgen tólemler, azıq-awqat, dári-dármaq, kommunal xızmetler hám mámleketlik baǵdarlamalar ushın belgilengen qárejetlerdi birinshi gezekte tolıq rejelestiriliwi hám óz waqtında tóleniwi hám dáwirlik jámlenbe qarjılay esabatlardı durıs qáliplestiriliwi hám óz waqtında usınılıwın támiyinlew;

byudjet qarjılarınan maqsetli hámde nátiyjeli paydalanıw;

byudjet tártibine ámel etiliwiniń ústinen baqlaw hámde juwapkershiligin jánede kúsheyttiriw;

byudjet dáramatlar bazasın asırıw hámde qosımsha dereklerdi anıqlawǵa ayrıqsha itibar qaratsın.

6. Qońırat rayonı Salıq inspekciyası (A. Krikbayev), Kadastr palatası bólimi (A. Begimbayev) yuridikalıq hám fizikalıq shaxslardıń (turaq-jay emes obektler boyınsha) múlk salıǵın esaplawda kóshpes múlklerge 1 kv.metr ushın minimal muǵdarları belgilengenliginen kelip shıǵıp, rayondaǵı salıq tólewshilerdiń múlkleri maydanları boyınsha puxta analizlegen halda múlklerine salıqlardıń tolıq esaplanılıwın támiyinlesin.

7. Rayon hákimligi (J. Kurbaniyazov) jergilikli byudjet jámi qárejetleriniń keminde 5 payızı hámde qosımsha dáramatların 30 payızınan kem bolmaǵan muǵdarlarda jámáátshilik pikiri tiykarında belgilengen ilájlardı qarjılandırıwǵa jóneltiriliwin, veb-saytlarǵa olardıń nátiyjelerin jaylastırıwdı támiyinlesin. Byudjet dáramatları hám qárejetleri kórsetkishleriniń orınlanıwın támiyinlew, salıq bazasın keńeytiw hámde ekonomikalıq dárejesin asırıw boyınsha zárúr is-ilájlar kórip, byudjet qarjılarınan maqsetli hám nátiyjeli paydalanıwı ústinen qatań qadaǵalawdı ornatıw tapsırılsın.

8. Sheshim “Qońırat haqıyqatı” gazetasına hámde Qońırat rayonı hákimiyatınıń arnawlı veb-saytına jaylastırılsın.

9. Usı sheshimniń orınlanıwın qadaǵalaw rayon hákiminiń birinshi orınbasarı (J. Kurbaniyazov)na júkletilsin.

10. Usı sheshim qabıl etilgen kúnnen kúshke kiredi.