Ózbekstan Respublikası Prezidentiniń 2020-jıl 3-dekabrdegi «Resurs salıqları hám mal-múlk salıǵın jánede jedellestiriw haqqında»ǵı PF-6121-sanlı Pármanı hám Ózbekstan Respublikası Salıq kodeksiniń 412, 422, 429, 437, 445 hám 452 statyalarına muwapıq, Ózbekstan Respublikası Konstituciyasınıń 122-statyası hám Qaraqalpaqstan Respublikası Joqarǵı Keńesiniń 2025-jıl 29-dekabr kúngi “Qaraqalpaqstan Respublikasınıń 2026-jılǵı mámleketlik byudjet parametrleri haqqında”ǵı 88/IX-sanlı qararına muwapıq, Ózbekstan Respublikasınıń “Jergilikli mámleketlik hákimiyatı haqqında”ǵı nızamnıń 6-, 24-statyaların basshılıqqa alıp, Xalıq deputatları Qońırat rayonlıq Keńesi sheshim etedi:

1. Ózbekstan Respublikası Prezidentiniń 2020-jıl 3-dekabrdegi «Resurs salıqları hám mal-múlk salıǵın jánede jedellestiriw haqqında»ǵı PF-6121-sanlı Pármanı hám Ózbekstan Respublikası Salıq kodeksiniń 412, 422, 429, 437, 445 hám 452 statyaları orınlaw ushın basshılıqqa alıp orınlaw ushın qabıl etilsin.

2. Qońırat rayonlıq awıl xojalıǵına mólsherlenbegen jerler ushın yuridikalıq tárepler boyınsha birden-bir muǵdarda 1 gektar ushın belgilengen bazalıq salıq stavkasına kiritilip atırǵan kemeyttiriwshi hám arttırıwshı koefficientleri 1-qosımshaǵa, Fizikalıq tárepler boyınsha (diyxan xojalıǵın júritiw ushın berilgen awıl xojalıǵına mólsherlengen jerlerden tısqarı) birden-bir muǵdarda 1 kv.metr ushın belgilengen bazalıq salıq stavkalarına kiritilip atırǵan kemeyttiriwshi hám arttırıwshı koefficientleri 2-qosımshaǵa muwapıq tastıyıqlansın.

3. Kóshpes múlkke bolǵan huquqların mámleket diziminen ótkeriwshi organlarda dizimnen ótkeriliwi kerek bolǵan binalar hám imaratlardıń 1 m² ushın obsolyut (qatań) muǵdarda belgilengen minimal qunına kiritilip atırǵan koefficientler muǵdarı 3-qosımshaǵa, suw resurslarınan paydalanǵanlıq ushın belgilengen minimal bahasına salıstırǵanda kiritilip atırǵan kemeytiriwshi hám arttırıwshı koefficentler muǵdarı 4-qosımshaǵa, hám de Jer astı baylıqlarınan paydalanǵanlıǵı ushın (ruda emes materiallar) ǵa belgilengen minimal bahasına salıstırǵanda kiritilip atırǵan kemeytiriwshi hám arttırıwshı koefficentler muǵdarı 5-qosımshaǵa muwapıq tastıyıqlansın.

4. Xalıq deputatları Qońırat rayonlıq Keńesiniń 2024-jıl 27-dekabr kúngi “Qońırat rayonınıń 2025-jıl ushın jergilikli byudjet parametrleri hám salıq stavkaların tastıyıqlaw haqqında”ǵı VII-4-012-13-185-K/24-sanlı sheshimi 2025-jıl 31-dekabr kúninen óz kúshin joǵaltqan dep esaplansın.

5. Qońırat rayonı hákiminiń birinshi orınbasarı (J. Kurbaniyazov) rayonda 2026-jılda belgilengen bazalıq salıq stavkalarınıń durıs qollanılıwı boyınsha óz qadaǵalawın ornatsın.

6. Qońırat rayonı salıq inspekciyasına (A. Krikbaev) rayon xalıq deputatları Keńesi tárepinen belgilengen salıq stavkaları boyınsha salıq tólewshilerdi óz waqtında xabarlandırıw hám óndiriliwin támiyinlew tapsırılsın.

7. Qońırat rayonı hákimligi hám rayon salıq inspekciyası (A. Krikbaev) menen birgelikte 2026-jılda belgilengen bazalıq salıq stavkaları, Nızamda belgilengen ayrım salıqlar, tólem stavkaları, salıq salıw tártipleri hámde basqada maǵlıwmatlardı ǵalaba quralları arqalı xalıqqa jetkeriliwin támiyinlensin.

8. Sheshim “Qońırat haqıyqatı” gazetasına hámde Qońırat rayonı hákimiyatınıń arnawlı veb-saytına jaylastırılsın.

9. Sheshimniń orınlanıwın támiyinlew Qońırat rayonı hákiminiń birinshi orınbasarı J.Kurbaniyazovqa júkletilsin.

10. Usı sheshimniń orınlanıwın qadaǵalaw Jergilikli byudjet, ekonomikalıq reformalardı ámelge asırıw, investiciyalar hám isbilermenlikti rawajlandırıw máseleleri boyınsha turaqlı komissiya baslıǵı (B. Otelbaev)na júkletilsin.

11. Usı sheshim daǵaza qılınǵan kúnnen baslap kúshke kiredi.