Oʻzbekiston Respublikasi Prezidentining 2021-yil 20-oktabrdagi “Oʻzbekiston Respublikasi Davlat soliq qoʻmitasi huzuridagi Kadastr agentligi faoliyatini yanada takomillashtirish chora-tadbirlari toʻgʻrisida”gi PQ-405-sonli qarori, Oʻzbekiston Respublikasi Vazirlar Mahkamasining 2014-yil 4-martdagi “Shaharlar, shaharchalar, qishloqlar va ovullarning mahallalarini tuzish, birlashtirish, boʻlish va tugatish, shuningdek ularning chegaralarini belgilash va oʻzgartirish, ularga nom berish va ularning nomini oʻzgartirish tartibi toʻgʻrisidagi nizomni tasdiqlash haqida”gi 48-sonli qarori bilan tasdiqlangan Nizomning 21-moddasi ijrosini taʼminlash maqsadida hamda viloyat hokimligi huzuridagi mahallalarni tuzish, birlashtirish, boʻlish va tugatish, shuningdek ularning chegaralarini belgilash va oʻzgartirish masalalari boʻyicha Idoralararo doimiy komissiyasining 2025-yil 6-dekabrdagi B-01-04/659-sonli bayoni va xulosasi, Davlat kadastrlar palatasi Qashqadaryo viloyati boshqarmasining 2025-yil 27-noyabrdagi 01-10/11202-son va 01-10/1103-son xatlarini inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6 va 24-moddalariga asosan xalq deputatlari viloyat Kengashi qaror qiladi:

1. Viloyatdagi ayrim mahalla fuqarolar yigʻinlarining chegaralarini belgilash yuzasidan “Kadastr agentligi davlat kadastrlari palatasi” Qashqadaryo viloyati boshqarmasi boshligʻi Gʻ. Hamrayevning hisoboti maʼlumot uchun qabul qilinsin.

2. Chiroqchi, Qamashi, Dehqonobod, Koʻkdala va Muborak tumanlaridagi jami 239 ta, Kitob tumanidagi Charmgar, Bektemir va Guliston mahalla fuqarolar yigʻinlarining tavsifi va xarita chegaralari 1-ilovaga muvofiq;

xalq deputatlari Qashqadaryo viloyati Kengashining 2025-yil 20-maydagi VII-11-86-4-0-K/25-sonli qarori hamda 2025-yil 5-avgustdagi VII-14-131-4-0-K/25-sonli qarorlariga asosan Davlat kadastrlari palatasining viloyat boshqarmasi tomonidan ishlab chiqilgan mahalla fuqarolar yigʻinlarining tavsifi va xarita chegaralari 2-ilovaga muvofiq tasdiqlansin.

3. Xalq deputatlari Qashqadaryo viloyati Kengashining 2024-yil 30-noyabrdagi VII-3-016-4-0-K/24-sonli qarorining 3-ilovasidagi Kitob tumanining Charmgar, Bektemir va Guliston mahalla fuqarolar yigʻinlarining tavsifi va xarita chegaralari chiqarib tashlansin.

4. Mazkur qaror bajarilishini nazorat qilish va ijrosini taʼminlash xalq deputatlari viloyat Kengashining Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiya raisi O. Ravshanov hamda viloyat hokimining oʻrinbosari M. Azizov zimmasiga yuklatilsin.

5. Mazkur qaror qabul qilingan kundan eʼtiboran kuchga kiradi.

6. Ushbu qaror rasmiy veb-sayt va ommaviy axborot vositalarida eʼlon qilinsin.