Oʻzbekiston Respublikasi Vazirlar Mahkamasining 2017 yil 15 mart kungi “Umumiy oʻrta taʼlim toʻgʻrisidagi nizomni tasdiqlash haqida”gi 140-sonli Qarorining 39-bandi, Oʻzbekiston Respublikasining “Taʼlim toʻgʻrisida”gi Qonunining 27-moddasi hamda tuman maktabgacha va maktab taʼlimi boʻlimining 2025-yil 30-dekabr kungi 01-01-11-1270-sonli xatini inobatga olib, Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6-moddasiga asosan qaror qilaman:

1. Ellikqalʼa tumani Maktabgacha va maktab taʼlimi boʻlimining 2025-yil 30-dekabr kungi 01-01-11-1270-sonli xati qanoatlantirilsin.

2. Ellikqalʼa tuman Maktabgacha va maktab taʼlimi boʻlimiga qarashli umumiy oʻrta taʼlim maktablariga maktab yoshidagi bolalarni qamrab olish boʻyicha hududlar (mikrohudud) roʻyxati ilovaga muvofiq tasdiqlansin.

3. Maktabgacha va maktab taʼlimi boʻlimi boshligʻi (Sh.Xolmurotov)ga umumiy oʻrta taʼlim maktablari hududidagi (mikrohudud) maktab yoshidagi bolalarni taʼlimga toʻliq jalb etish va sifatli tashkil etishni amalga oshirish vazifasi topshirilsin.

4. Tumandagi umumiy oʻrta taʼlim maktablari direktorlari oʻzlari rahbarlik qilayotgan muassasaga biriktirilgan hududdagi maktab yoshidagi bolalarni oʻz vaqtida umumiy oʻrta taʼlim maktablariga oʻqishga jalb qilish uchun masʼul hisoblanishi belgilab qoʻyilsin.

5. Ushbu qarorning ijrosini nazorat qilish tuman hokimi oʻrinbosari O.Atadjanov zimmasiga yuklatilsin.