Ózbekstan Respublikası Prezidentiniń 2020-jıl 3-dekabrdegi «Resurs salıqları hám mal-múlk salıǵın jánede jedellestiriw haqqında»ǵı PF-6121-sanlı Pármanı hám Ózbekstan Respublikası Salıq kodeksiniń 412, 422, 429, 437, 445 hám 452 statyalarına muwapıq, Ózbekstan Respublikası Konstituciyasınıń 122-statyası hám Ózbekstan Respublikasınıń “Jergilikli mámleketlik hákimiyatı haqqında”ǵı nızamnıń 6-, 24-statyaların basshılıqqa alıp, Xalıq deputatları Moynaq rayonlıq Keńesi sheshim etedi:

1. Ózbekstan Respublikası Prezidentiniń 2020-jıl 3-dekabrdegi «Resurs salıqları hám mal-múlk salıǵın jánede jedellestiriw haqqında»ǵı PF-6121-sanlı Pármanı hám Ózbekstan Respublikası Salıq kodeksiniń 412, 422, 429, 437, 445 hám 452 statyaları orınlaw ushın basshılıqqa alıp orınlaw ushın qabıl etilsin.

2. Moynaq rayonlıq awıl xojalıǵına mólsherlenbegen jerler ushın yuridikalıq tárepler boyınsha birden-bir muǵdarda 1 gektar ushın belgilengen bazalıq salıq stavkasına kiritilip atırǵan kemeyttiriwshi hám arttırıwshı koefficientleri 1-qosımshaǵa, Fizikalıq tárepler boyınsha (diyxan xojalıǵın júritiw ushın berilgen awıl xojalıǵına mólsherlengen jerlerden tısqarı) birden-bir muǵdarda 1 kv.metr ushın belgilengen bazalıq salıq stavkalarına kiritilip atırǵan kemeyttiriwshi hám arttırıwshı koefficientleri 2-qosımshaǵa muwapıq tastıyıqlansın.

3. Suw resurslarınan paydalanǵanlıq ushın belgilengen minimal bahasına salıstırǵanda kiritilip atırǵan kemeytiriwshi hám arttırıwshı koefficentler muǵdarı 3-qosımshaǵa hám de Jer astı baylıqlarınan paydalanǵanlıǵı ushın (ruda emes materiallar) ǵa belgilengen minimal bahasına salıstırǵanda kiritilip atırǵan kemeytiriwshi hám arttırıwshı koefficentler muǵdarı 4-qosımshaǵa muwapıq tastıyıqlansın.

4. Moynaq rayonı hákiminiń birinshi orınbasarı (S.Iniyatov)na rayonda 2026-jılda belgilengen bazalıq salıq stavkalarınıń durıs qollanılıwı boyınsha óz qadaǵalawın ornatsın.

5. Moynaq rayonı salıq inspekciyasına rayon xalıq deputatları Keńesi tárepinen belgilengen salıq stavkaları boyınsha salıq tólewshilerdi óz waqtında xabarlandırıw hám óndiriliwin támiyinlew tapsırılsın.

6. Moynaq rayonı hákimligi rayonliq salıq inspekciyası menen birgelikte 2026-jılda belgilengen bazalıq salıq stavkaları, Nızamda belgilengen ayrım salıqlar, tólem stavkaları, salıq salıw tártipleri hámde basqada maǵlıwmatlardı ǵalaba quralları arqalı xalıqqa jetkeriliwin támiyinlensin.

7. Usi sheshim “Aral balıqshısı” gazetasına hámde Moynaq rayonı hákimiyatınıń arnawlı veb-saytına jaylastırılsın.

8. Usı sheshim daǵaza qılınǵan kúnnen baslap kúshke kiredi.

9. Sheshimniń orınlanıwın támiyinlew Moynaq rayonı hákiminiń birinshi orınbasarı S.Iniyatovqa júkletilsin.

10. Usı sheshimniń orınlanıwın qadaǵalaw Jergilikli byudjet, ekonomikalıq reformalardı ámelge asırıw, investiciyalar hám isbilermenlikti rawajlandırıw máseleleri boyınsha turaqlı komissiya baslıǵına júkletilsin.