Ózbekstan Respublikası Ministrler Kabinetiniń 2017-jıl 15-marttaǵı «Ulıwma orta bilimlendiriw haqqında Rejesin tastıyıqlaw tuwralı» 140-sanlı qararı hám de Moynaq rayonı Mektepke shekemgi hám mektep bilimlendiriw bóliminiń 2025-jıl 2-dekabr kúngi 01-04-468-sanlı qatnas xatın inábatqa alıp, Moynaq rayonı hákimi sheshim etedi:

1. Ózbekstan Respublikası Ministrler Kabinetiniń 2017-jıl 15-marttaǵı «Ulıwma orta bilimlendiriw haqqında Rejesin tastıyıqlaw tuwralı» 140-sanlı qararı orınlaw ushın basshılıqqa alınsın hám de Moynaq rayonı Mektepke shekemgi hám mektep bilimlendiriw bóliminiń 2025-jıl 2-dekabr kúngi 01-04-468-sanlı qatnas xatı qanaatlandırılsın.

2. Rayonlıq Mektepke shekemgi hám mektep bilimlendiriw bólimine qaraslı ulıwma bilim beriw mekteplerine balalardı qamtıp alıw boyınsha aymaqlar (mikrouchastka) dizimi qosımshaǵa muwapıq tastıyıqlansın.

3. Rayonlıq Mektepke shekemgi hám mektep bilimlendiriw bólimi (M. Ametov)ne:

Ózbekstan Respublikasınıń Ulıwma orta bilimlendiriw haqqında Rejesi talapları tiykarında jumıs alıp barıw hám ulıwma bilim beriw mektepleri óz aymaǵında (mikrouchastka) jasawshı mektep jasındaǵı balalardı májbúriy bilim alıwǵa tolıq tartıw hám bul jumıslardı sıpatlı ámelge asırıw boyınsha juwapker qánigeler biriktiriw tapsırılsın.

4. Moynaq rayonı hákimligi málimleme xızmeti (D. Ablaeva), rayonlıq «Aral balıqshısı» gazetası redakciyası (S. Shaddinova)na usı sheshimdi rayonlıq «Aral balıqshısı» gazetasına járiyalaw hám hákimliktiń rásmiy veb-saytına jariyalaw wazıypası tapsırılsın.

5. Usı sheshimniń orınlanıwın qadaǵalaw rayon hákiminiń orınbasarı M. Jumabaevqa júklensin.