Oʻzbekiston Respublikasi Vazirlar Mahkamasining 2012-yil 16-oktabrdagi Geografik obyektlarning nomlari toʻgʻrisida”gi Oʻzbekiston Respublikasi Qonuniga muvofiq geografik obyektlarning nomlari sohasidagi ishlarni tartibga solish chora-tadbirlari haqida”gi 295-son qarori, Vazirlar Mahkamasi Rayosati majlisining 2025-yil 24-yanvardagi 14-son bayoni ijrosini taʼminlash maqsadida, Geografik obyektlarni nomlash va qayta nomlash boʻyicha tuman komissiyasining 2025-yil 18-avgustdagi 13-01/196-sonli yigʻilish bayoni, Geografik obyektlarni nomlash va qayta nomlash masalalari boʻyicha viloyat komissiyasining 2025-yil 20-avgustdagi yigʻilish bayoni hamda 21-avgustdagi 07-18/7475-sonli xati asosida Respublika Kadastr agentligining 2025-yil 18-sentabrdagi 05-19-16090-sonli ekspertiza xulosalarini koʻrib chiqib, “Mahalliy davlat hokimiyati toʻgʻrisida”gi Oʻzbekiston Respublikasi Qonuni 6-, 24-moddalariga asosan Xalq deputatlari tuman Kengashi qaror qiladi:

1. Uzun tumani hokimining Maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi I.Nazarovning Geografik obyektlarni nomlash va qayta nomlash boʻyicha tumandagi ayrim Geografik obyektlarni nomlarini tasdiqlash toʻgʻrisidagi doimiy komissiyaga bergan hisoboti maʼlumot uchun qabul qilinsin.

2. Tuman komissiyasining 2025-yil 18-avgustdagi 13-01/196-sonli yigʻilish bayoni, viloyat komissiyasining 2025-yil 21-avgustdagi 07-18/7475-sonli murojaatnomasi asosida Respublika Kadastr agentligining 2025-yil 18-sentabrdagi 05-19-16090-sonli ekspertiza xulosalari maʼlumot uchun qabul qilinsin

3. Uzun tumanidagi ayrim mahalla fuqarolar yigʻinlarida koʻchalarni nomlash yuzasidan berilgan takliflar ilovaga muvofiq tasdiqlansin

4. Tuman hokimining oʻrinbosari N. Xodjageldiyev va Oʻzbekiston Mahalla uyushmasi Uzun tuman boʻlimi boshligʻi (T. Koʻcharov):

yangi berilgan nom va qayta nomlangan koʻchalarini toʻliq shakllanishi va faoliyati uchun zarur shart-sharoitlar yaratilsin.

hududlarga koʻcha nomlari bilan nomlangan mahalla fuqarolar yigʻinlarida aholi oʻrtasida tushuntirish ishlari olib borilsin.

5. Oʻzbekiston Mahalla uyushmasi Uzun tuman boʻlimi boshligʻi (T. Koʻcharov), Davlat kadastr palatasining Surxondaryo viloyati Uzun tumani filiali (lavozimiga koʻra), Uzun tuman IIB (Oʻ. Mustafoqulov), Uzun tumani soliq inspeksiyasi (A. Xushvaqtov) mazkur qarorga asosan hujjatlarga oʻrnatilgan tartibda tegishli oʻzgartirishlar kiritilsin.

6. “Bobotogʻ tongi” gazetasi tahririyati (I. Bobokolonov)ga mazkur qarorni rasmiy eʼlon qilish tavsiya etilsin.

7. Ushbu qaror qabul qilinishi munosabati bilan xalq deputatlari Uzun tumani Kengashining 2024-yil 17-avgust 2024-yil 17-avgustdagi “Uzun tumandagi mavjud takroriy nomdagi koʻcha nomlarini qayta nomlash va tasdiqlash toʻgʻrisida”gi VI-72-105-8-118-K/24-sonli qarori uz kuchini yoʻqotgan deb topilsin.

8. Mazkur sessiya qarori ijrosini nazorat qilishni Xalq deputatlari tuman Kengashining Ijtimoiy soha, yoshlar siyosati, madaniyat va sport masalalari boʻyicha doimiy komissiyasi zimmasiga yuklatilsin.

9. Mazkur qaror qabul qilinib, rasman eʼlon qilingan kundan eʼtiboran kuchga kiradi.