Oʻzbekiston Respublikasining “2026-yil uchun Oʻzbekiston Respublikasining Davlat budjeti toʻgʻrisida”gi OʻRQ-1105-sonli Qonuniga, Oʻzbekiston Respublikasi Soliq kodeksining 445- va 452-moddalariga muvofiq, Oʻzbekiston Respublikasi Soliq qoʻmitasi Samarqand viloyat soliq boshqarmasining 2025-yil 2-dekabr 20-184058-sonli xatiga, Kattaqoʻrgʻon shahar hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari- Iqtisodiyot va moliya boʻlimi boshligʻi I.Mamatovning 2025-yil 5-dekabridagi 01-38/5-sonli xatiga hamda “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6 va 24-moddalariga muvofiq, xalq deputatlari shahar Kengashining yettinchi chaqiriq, oʻn sakkizinchi sessiyasi qaror qiladi:

1. Oʻzbekiston Respublikasining “2026-yil uchun Oʻzbekiston Respublikasining Davlat budjeti toʻgʻrisida”gi OʻRQ-1105-sonli Qonuniga, Kattaqoʻrgʻon shahar hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari- Iqtisodiyot va moliya boʻlimi boshligʻi I.Mamatovning 2025-yil 5-dekabridagi 01-38/5-sonli xati maʼlumot uchun qabul qilinsin.

2. Shahar Soliq inspeksiyasi hududlarning iqtisodiy rivojlanganlik darajasi hamda shahar hokimligining 2026-yil uchun belgilangan mahalliy budjet prognozidan kelib chiqib, shahar boʻyicha 2026-yilda suv resurslaridan foydalanganlik uchun soliq va yer qaʼridan foydalanganlik uchun soliq stavkalarining mutlaq miqdorlariga nisbatan kamaytiriluvchi va oshiriluvchi koeffitsientlarni qoʻllash boʻyicha takliflari inobatga olinsin.

2026-yil uchun suv resurslaridan foydalanganlik uchun soliq stavkalariga 2026-yil uchun qoʻllaniladigan koeffitsientlar 1-ilovaga hamda noruda qurilish materiallari uchun (sementdan tashqari) belgilangan qatʼiy stavkalariga 2026-yil uchun qoʻllaniladigan koeffitsientlar 2-ilovaga muvofiq tasdiqlansin.

3. Shaharhokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari-Iqtisodiyot va moliya boʻlimi boshligʻi M.Zavqiev, shahar Iqtisodiyot va moliya boʻlimi boshligʻi oʻrinbosari (O.Kadirov), shahar soliq inspeksiyasi (F.Gʻaniev) bilan birgalikda mazkur qaror oʻz vaqtida va samarali bajarilishini taʼminlash choralarini koʻrsin.

4. Mazkur qaror tegishli tahririyatlar va ommaviy axborot vositalarida yoritilishi tavsiya etilsin hamda shahar hokimligining rasmiy veb-saytiga joylashtirilsin.

5. Mazkur qaror rasmiy eʼlon qilingan kundan boshlab kuchga kiradi.

6. Mazkur qaror bajarilishini nazorat qilish xalq deputatlari Kattaqoʻrgʻon shahar Kengashining mahalliy budjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari doimiy komissiyasi (J.Quldoshev) hamda shahar hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari-Iqtisodiyot va moliya boʻlimi boshligʻi (M.Zavqiev) zimmasiga yuklatilsin.